टाइफाइड विरुद्धको खोप अभियानमा सहभागी हुन अपिल।

मकवानपुरको थाहा नगरपालिका मा  चैत्र २५ गते देखि ३० गते सम्म  टाइफाइड विरुद्ध खोप अभियान सञ्चालन हुने भएको छ । १५ महिनादेखि १५ वर्ष मुनिका बालबालिका लक्षित गरी टाइफाइड विरुद्ध खोप अभियान सञ्चालन हुने नगरका स्वास्थ्य शाखा प्रमुख मेघराज बलामी ले बुधवार आयोजित एक कार्यक्रममा जानकारी दिए ।
नगरपालिका को स्वास्थ्य शाखाले यहि चैत्र २५  गतेदेखी ३० सम्म १५ महिनादेखि १५ वर्षसम्मका बालबालिकाहरुलाई टाइफाइड विरुद्ध खोप अभियान प्रत्येक वडामा रहेका विद्यालय लाई केन्द्रका रुपमा तोकी सञ्चालन गरिने भएको हो ।
गाउँपालिकाले १५ महिनादेखि १५ वर्ष मुनिका बालबालिकाहरुलाई टाइफाइड विरुद्ध खोप अभियान तथा नियमित खोप टाइफाइड खोप सुरुवात  सम्बन्धि पालिका स्तरमा पत्रकार तथा विद्यालय शिक्षकहरु तथा बिद्यालय ब्यबस्थापन समितिका लागि अभिमुखिकरण कार्यक्रमको आयोजना गरि सो सम्बन्धमा जानकारी गराइएको हो ।
नेपालमा २०३४ सालबाट ३ जिल्ला बाट एक बर्ष मुनीका बालबालिका हरुलाई बिसिजी र डिपिडी खोपबाट सुरु भएको खोप कार्यक्रम २०५४ मा ६ वटा समाबेश गरि नेपाल भर बिस्तारभै २०७१ मा आइपुग्दा १२ वटा खोप लगाइरहेको अबस्थामा अब २०७९ जेठ बाट टाइफाइड विरुद्धको खोप सहित नियमित खोप १३ वटा पुग्दै छ।चैत २५ देखि ३० गतेसम्म संचालन हुने खोप अभियान बाट नगरका ९२ सय लक्षित बर्ग विद्यार्थी लाई लगाइने स्वास्थ्य साखा प्रमुख बलामीले जानकारी दिनुभयो।
खोप अभियानको क्रममा केही जटिल समस्या देखिय डाक्टर सहितको स्वास्थ्यकर्मी हरुको टोलि तयारी अबस्थामा राखिने बताउदै अभियानको अन्तिम दिन नगरको सबै स्वास्थ्य संस्था मा खोपकेन्द्र संचालन गर्ने गरि तयारी पूरा भएको र अभियान सफल बनाउन विद्यालय नर्स ,फोकल शिक्षक हरुसङ सहकार्य गरेर अगाडि बढ्ने बताउनुभयो।
लक्षित मुख्य संख्या ८० प्रतिशत विद्यालय मा भएको हुदा खोप अभियान विद्यालय लक्षित भएको जानकारी दिदै नेपालमा टाइफाइड रोगको संक्रमण र जोखिम दर उच्च रहेकोले १५ महिना देखि १५ बर्ष सम्मका सबै बालबालिका लाई खोप लगाउन आग्रह गर्दै विद्यालय र अभिभावक लाई सहयोग गर्न आग्रह गर्नुभयो।९१ प्रतिशत खोप प्रगति भएको थाहा नगरमा सबै विद्यालयमा खोप अभियान संचालन हुने छ।