थाहा नगरपालिका वडा नम्बर ३ मा रहेको जनकल्याण माध्यमिक विद्यालय व्यवस्थापन समितिको अध्यक्षमा पुनः राजीव स्याङ्तान चयन भएका छन् । विद्यालय व्यवस्थापन समितिका लागि चुनिएका सदस्यहरुको बैठकले २३ कात्तिकमा स्याङ्तानलाई अध्यक्ष बनाउने निर्णय गरेको हो ।

समितिको सदस्यहरुमा हिरेन्द्र कुमार रायमाझी, राजकुमार पन्त, मेनुका आचार्य, लक्ष्मी विश्वकर्मा, रवि विष्ट, प्रमिला कार्की, शिक्षक प्रतिनीधि कृष्ण बहादुर विष्ट, विद्यालयका प्रधानाध्यापक तथा सदस्यसचिव सानोभाइको उपस्थिती रहेको थियो । विद्यालय व्यवस्थापन समितिका १७ कात्तिकमा मनोनित सदस्यहरु मध्ये ज्येष्ठ सदस्य राजीब कुमार स्याङ्तानको अध्यक्षतामा विद्यालयमा २३ कात्तिकमा बैठक बसेको थियो ।

प्राविधिक विषय अध्यापन हुने विद्यालय व्यवस्थापन समितिका दुई जना मनोनित गर्न पाउने कानूनी प्रावधान अनुरुप बैठकले निरोज प्रधान र सुवासचन्द्र विष्टलाई मनोनित गरेको छ । कृषि प्राविधिक शिक्षा अध्यापन हुने जनकल्यण मावि व्यवस्थापन समितिमा उद्योग वाणिज्य संघको प्रतिनीधित्व हुने गरी उद्योग वाणिज्य संघ बागमती प्रदेशका कृषि समिति सदस्य प्रधानलाई र विद्यालयका विद्यार्थीहरुको शैक्षिक क्षेत्रमा सहयोग पु¥याउँदै आएका सहयोगी शिक्षाप्रेमीका हैसियतले विष्टलाई मनोनित गरेको विद्यालयले जनाएको छ ।

नवगठित विद्यालय व्यवस्थापन समितिको पहिलो बैठकले बधाई तथा धन्यवाद प्रस्ताव पारितका साथै स्कूल बस व्यवस्थापनलगायतको विभिन्न विषयमा निर्णय गरेको जनाइएको छ ।