कृषीमा रमाउदै थाहाका युवा 

हुर्कदै गरेको कुखुराका चल्ला डुलीरहेका, लरक्क परेर बढिरहेका विभिन्न जातका बाख्रा र खसी बोका चरिरहेका र सुगुर बंगुर खोरमा कराईरहेका, गाई बाछा रमाईरहेका अनि खोर्सानी लगाएतका तरकारी लहलहाईरहेका देखिन्छन थाहा कृषी फार्ममा । 
नेपालमै बसेर मनग्गे आम्दानी गर्न सकिन्छ भन्ने उदाहरण थाहानगरपालिका २ का युवाहरुले प्रस्तुत गरेका छन् ।  थाहा २ का हरि के.सी. र मिलन कार्कीले गाउँमै  कुषि फर्म सञ्चालन गरेर राम्रो आम्दानी गरिरहेका भन्दै सन्तुष्टि मिलेको बताउनु हुन्छ ।  
वैदेशिक रोजगारमा केहि वर्ष विताएका हरि के.सी. र मिलन कार्कीले बैदेशिक यात्रामा धेरै दुखकष्ट झेलेर बिताएको स्मरण गर्दै अब नेपालमै फर्केर कृषी कर्म गर्ने अठोटले फर्किको बताउनुहुन्छ ।  

बिदेशमा पैसा टिप्न पाईने सपना देखेर त गईयो, बिदेश पुगेपछि पैसाको बोट त आफ्नै माटोमा पो रहेछ भन्ने बुझियो अनि स्वदेश फर्किएर थाहा कृषी तथा पशु पन्छी फर्म संचालन गरेको संचालकद्धय के.सी. र कार्की बताउनुहुन्छ । 
१० रोपनी जग्गा बन्धकीमा लिइ ४६ लाख लगानीमा फर्म सञ्चालन गरिरहनु भएका के.सी. भन्नुहुन्छ  “अहिले हाम्रो फर्ममा बोयर, जमुनापारि, खरिजातका बाख्राहरु छन र कुखुराहरुमा कडकनाथ, लेस, लोटन, गिरिराज, लोकल रहेका छन त्यस्तै खरायो र बङ्गुरहरु पनि पालन गरिरहेका छौं ” अब व्यावसायिक रुपमा अझ बढाउदै जान्छौं ।  
बिदेशको तातोमा बगाएको पसिना र श्रमको मुल्य भन्दा त आफ्नै माटोमा गरेको मेहनतले बढी कमाउन र खुसी हुन सकिने व्यावसायी कार्कीलाई लागेको छ । 

 
हामी हाम्रो स्थानिय कामहरु गर्न अफ्ठ्यारो मान्छौं, लजाउँछौं तर बैदेशिक रोजगारमा भने जस्तोसुकै काम गर्न पनि पछि हट्दैनौं । विदेशको ठाउँ, हामीले सोचेको जस्तो सरल त कहाँ हुन्छ र ? जहाँ अरुको दवावमा काम गर्नुपर्ने ह्ुन्छ त्यहाँ व्यक्तिगत स्वतन्त्रताको अनुभुत त पक्कै हुँदैन । 

मेहनती हातहरुका लागि संसारका कुनै स्थानले फरक पार्दैन । परिवर्तन सम्भव केवल मेहनती हातहरुद्धारा नै हुने गर्दछ । भनिन्छ, जहाँ ईच्छा त्यहाँ उपाय । यदि मनमा प्रवल इक्षा छ भने हरेक काम सहज तरिकाले गर्न सकिन्छ । उदेश्य प्राप्तिका लागि काम गर्दै जादा आउने विभिन्न बाधा अड्चनहरु पन्छाउदै हिम्मत नहारी लगनशिल भए पक्कै सफलता पाईन्छ । 

 

थाहाका यी उद्यमी युवाहारुको सवालमा भने कुरा फरक हुन जान्छ । सायद बैदशिक यात्राले पनि धेरै कुरा सिकाएको हुनसक्छ । करिव ४६ लाख बरावरको लगानीमा सुरु गरिएको थाहा पशुपंक्षी तथा कृषी फर्म लगभग १० रोपनी क्षेत्रफलमा फैलिएको छ जहाँ जमुनापारि, बोयर, खरि जातका गरि अहिले २२ वटा बाख्राहरु छन । त्यस्तै कुखुराहरुमा कडकनाथ, लेस, लोटन, गिरिराज र लोकल गरि हरेक २००÷२०० वटा रहेका छन् । पहिलो बर्ष कुखुराबाट खासै नाफा लिन नसकेको उहाँहरुको तितो अनुभव छ । पहिलो बर्षमै व्यवसायबाट घाटा खाएर पनि आत्मबल भने पूरानै अवस्थामा रहेको र अझ समस्याहरुसंग कसरि जुध्नुपर्ने रहेछ भन्ने कुरा थाहा पाइसकेपछि थप उर्जा मिलेको उहाँहरु बताउनुहुन्छ । 

अकबरे खोर्सानी र अन्य जातका खोर्सानी लगाएत तरकारीहरु लगाएर दिनभर व्यस्त हुने कार्की र के.सी. व्यवसायिक कृषीमा सफल हुने अठोटका साथ लागिरहरुनु भएको छ ।