इन्द्रसरोबरको महाचुनी र बत्सलादेवी माविमा ‘एक विद्यालय, एक नर्स’ कार्यक्रम

एक विद्यालय एक नर्स कार्यक्रमका लागि इन्द्रसरोवर गाउँपालिका–५ फाखेलको महाचुनी माद्यामिक विद्यालय र इन्द्रसरोवर–३ सिस्नेरीको बत्सलादेवी माद्यामिक विद्यालय छनौट भएको छ । बागमती प्रदेशले एक विद्यालय एक नर्स कार्यक्रममा थप गर्ने विद्यालयहरु छनौट गरेको प्रदेश सामाजिक विकास मन्त्रालयले असोज ७ गते सूचना जारी गरेर जानकारी दिएको हो । मन्त्रालयको सूचना अनुसार इन्द्रसरोवरका दुई विद्यालय छनोट भएको मन्त्रालयकी सूचना अधिकारी संगिता खड्काले जानकारी दिइन् ।

असोज ६ गते बसेको प्रदेश मन्त्रीस्तरीय बैठकबाट विद्यालयहरु छनोट भएको खड्काले जानकारी दिइन् ।

इन्द्रसरोवरका गत आर्थिक वर्षबाट इन्द्रसरोवर–२ कुलेखानीको पञ्चकन्या माद्यामिक विद्यालयमा एक विद्यालय एक नर्स कार्यक्रम शुभारम्भ भएको थियो ।
यस्तै

थाहा नगरपालिकामा वडा नम्बर ६ को बज्रवाराही उच्च मावि र थाहा–११ को वागेश्वरी मावि छनौट भएका छन् । थाहानगरमा अघिल्लो आर्थिक वर्षबाट थाहा–३ को जनकल्याण माविमा एक विद्यालय एक नर्स कार्यक्रम शुभारम्भ भएको थियो । 

बागमती प्रदेशको प्रत्येक स्थानीय तहमा दुई वटा थप विद्यालयमा विद्यालय नर्स राख्ने कार्यक्रम अन्तर्गत आर्थिक वर्ष २०७७/०७८ बाट मकवानपुरमा २० वटा विद्यालयमा कार्यक्रम थपिएको हो