उत्तरी मकवानपुरमा असिना पानी – किसान खुसी तर हिँउ खेल्ने रहर पुरा भएन

फाेटाे -बिनाेद लामा ( दामन )

उत्तरी मकवानपुरमा आज असिना र पानी परेको छ । 
आज दिउँसो असिना पानी परेपछि डाँडापाखा सहित उत्तरी मकवानपुरका फाँटहरु सेताम्मे देखिएका छन् । 
असिना परेपछि सिमभन्ज्याङ्ग ,दामनका सडक र वन पाखा सेताम्मे भएका छन् । 
दिँउको झल्को लाग्ने गरि वर्षा सँगै मसिना असिना परेपछि स्थानिय खुसी भएका छन् । 
आज असिना र पानी परेपछि हिउँदे वर्षातले यस क्षेत्रका कृषकलाई राहत मिलेको छ । 
उत्तरी मकवानपुरमा हिउँसो असिना र पानी परेको  कारण कृषहरुलाई रातह मिलेको हो । लामो समय देखि हिउँदको समयमा पानी नपर्दा कृषकहरु चिन्तित थिए 
 यस क्षेत्रमा गत आसोजको पहिलो साताबाट वर्षात भएको थिएन । 
तर, यो वर्ष माघको अन्तिम साता भए पनि पानी पर्दा हिउँदे बाली सप्रिने आशामा कृषकहरु खुसी भएका हुन् ।
थाहा नगरमा अहिले मुख्य नगदे बाली आलु लगाउने सिजन भएकाले पानी परेसँगै कृषकहरुले लगाएका आलु सँगै मौसमी तथा बेमौसी तरकारी, फलफूल अन्य बालीलाई राहत मिलेको छ । 
हिँउमा रमाउने रहरमा बसेकाहरुलाई  तृष्णा मेट्न अहिलेको असिनाले सहयोग गरेको छ भने हिँउ पर्ने आशा पनि जगाएको छ । 
उत्तरी मकवानपुरमा पानी र असिना परे सँगै सधैं हिँउमा रमाउन पाईने ठाँउ दामन सिमभन्ज्याङ्गमा हिँउ खेल्न मानिसहरु जम्मा भए पनि आज हिँउ भने परेन । 
मौशम धुम्मिए पछि यस क्षेत्रमा हिँउ पर्ने आकलन गरिन्छ । पानी सँगै मसिनो र बाक्लो असिना परेपछि दामन सिम्भन्ज्याङ्ग क्षेत्रमा स्थानिय तथा त्रिभुवन राजपथमा यात्रा गर्ने यात्रुले त्यही असिनामा खेलेर हिँउको तृष्णा मेटेका थिए । 
बाक्लो असिना परेका कारण त्रिभुवन राजपथको सिमभन्ज्याङमा क्षेत्रमा असिना जम्दा सवारी आवगमनमा समस्या आएको थियो । 
सो क्षेत्रमा अहिले सडक संचालन भईसकेको छ ।