इसिडी शिक्षक द्वारा मुख्यमन्त्री लाई बुझाए ध्यानाकर्षण पत्र

नेपाल बाल विकास शिक्षक बागमती प्रदेशले आफ्नो विभिन्न माग सम्बोधन गर्न भन्दै प्रदेश मुख्यमन्त्री समक्ष ध्यानाकर्षण गरायका छन। बैशाख २४ गते प्रदेश मुख्यमन्त्री कार्यालय हेटौंडा पुगेर मुख्यमन्त्री शालीकराम जमकट्टेल समक्ष विभिन्न मागको सम्बोधन तत्काल हुनुपर्ने भन्दै ध्यानाकर्षण पत्र बुझाएको हो। नेपाल बालविकास शिक्षक समिति बागमती प्रदेश अध्यक्ष शोभा अर्याल अधिकारी र सचिव सोनिया विक सहित उपाध्यक्ष दिपा बल,बरिस्ठ उपाध्यक्ष अम्बिका गौतम,सहसचिव मेनुका तामाङ,सदस्यहरु बिलियन तामाङ,नविना शर्मा,गीता न्यौपाने ,सपना सापकोटा ,बिन्दु सिंह ठकुरीको टोलीले मुख्यमन्त्री लाई ध्यानाकर्षण पत्र बुझाएका थिए । ध्यानाकर्षण पत्रमा आन्दोलनको माग सम्बोधन हुने तर माग भने पूरा नहुने प्रती ध्यानाकर्षण गराउन चाहन्छौ भनियको छ। पत्रमा वृद्धि भएको तलव साथै महङ्गी भत्ता केन्द्र सरकार बाटै उपलब्ध गराउन पर्ने,संचयकोषको व्यवस्था गर्नुपर्ने ,दरवन्दी कायमगरी आधारभुत तह सरहको सेवा सुबिधा उपलब्ध गराउन पर्ने ,प्रक्रिया पुर्याएर बालविकास शिक्षकलाइ स्थायी गरिनुपर्ने लगायत १० बुदे ध्यानाकर्षण पत्र बुझाएको समितिका उपाध्यक्ष दिपा बलले जानकारी दिनुभयो। हेर्नुस ध्यानाकर्षण पत्र।