अङ्ग्रेजी माध्यममा पढाई हुने भएपछि घाटदेवी र मत्स्यनारायणमा विद्यार्थीको आकर्षण बढ्यो

थाहा नगरपालिकामा वडा न २ का  जनप्रतिनिधि तथा सामुदायिक विद्यालयमा कार्यरत शिक्षक शिक्षिकाहरुले आफ्ना छोराछोरी आगामी शैक्षिक सत्रदेखि अनिवार्य रुपमा सामुदायिक विद्यालयमा पढाउनुपर्ने निर्णय गरेपछि भर्ना अभियान सुरु भएकै दिन आकर्षक रूपमा विद्यार्थी भर्ना भएका छन।

वडा शिक्षा समिती सदस्य युवराज बिष्टले  "सामुदायिक विद्यालयको शैक्षिक गुणस्तर सुधार्नका लागि वडाले पहल गरेपछि वडा भित्र रहेको घाटदेवी आधारभुत विद्यालय र मत्स्यनारायण माबिमा कक्षा नर्सरी देखि भर्ना लिन सुरु गरेको बताए।
भर्ना अभियान सुरु भएको दिन बैशाख २ गते नै  घाटदेवीमा कक्षा नर्सरीमा ६ जना,एलकेजीमा ६ जना ,युकेजीमा ३ जना,कक्षा १ मा ३,कक्षा २ मा ५ जना र कक्षा ३ मा ६ जना सहित कक्षा ८ सम्म ४८ जना विद्यार्थी भर्ना भएको विद्यालयका अध्यक्ष वीर बहादुर तामाङले जानकारी दिए ।विद्यालयले कक्षा ३ सम्म अङ्ग्रेजी माध्यमबाट पढाई सुरु गरेपछि अभिभावक हरुले चासो देखाएको अध्यक्ष तामाङले बताए।
तेसै गरि यस बर्ष देखि कक्षा १ सम्म अङ्ग्रेजी माध्यममा पठनपाठन सुरु गरेको मत्स्यनारायण माध्यमिक विद्यालयमा भर्ना सुरु भएकै दिन ४१ जना विद्यार्थी भर्ना भएका छन ।
विद्यालयमा कक्षा नर्सरीमा ३ जना,केजीमा ४ जना र कक्षा १ मा ५ जना सहित ९ सम्म ४१ जना विद्यार्थी भर्ना भएको विद्यालयले जनाएको छ।