हेटौंडा क्याम्पसमा खुला कविता प्रतियोगिता सम्पन्न

स्नातकोत्तर तह द्वितीय वर्षको अभ्यास शिक्षण योजना अन्तर्गत आज  बुधबार  हेटौंडा क्याम्पसमा  अतिरिक्त क्रियाकलाप सञ्चालनका क्रममा नेपाली विषय शिक्षण समूहका विद्यार्थीहरूद्वारा आयोजित खुला कविता प्रतियोगिता सम्पन्न भएको छ ।

 शिवराज गिरी  को अध्यक्षतामा भएको  कार्यक्रममा क्याम्पस प्रमुख देवचन्द्र मानन्धर प्रमुख अतिथि  रहनु भएको थियो । कार्यक्रममा कक्षा ११ देखि बि एड सम्मका विद्यार्थी सहभागी थिए । उक्त कार्यक्रममा १० जना प्रतियोगिहरु रहनु भए पनि ८ जनाले मात्रै उपस्थित भई आफ्ना कविता वाचन गर्नु भएको थियो । कार्यक्रम संयोजक तथा निर्णायकको भुमिकामा रहनु भएको दीपक गौतमले काकविताका नियमका विषयमा प्रकाश पार्नु भएको थियो । त्यसैगरि एमएड कार्यक्रम संयोजक मनोज पोखरेल निर्णायकको भुमिकामा रहनु  भएको थियो । प्रतियोगितामा विधान आचार्य प्रथम, अमृता लामिछाने द्वितीय , बालकृष्ण ढकाल तृतीय र आरती उप्रेती सान्त्वना भएका छन् । कविता प्रतियोगितामा उत्कृष्ट हुनु भएकालाई पुरस्कार वितरण गरिसकेपछि क्याम्पसलाई अभ्यास शिक्षण समूहले मायाको चिनो समेत प्रदान गरेको  स्ववियु सदस्य कु्ुमार रुम्बाले थाहापाटिलाई जानकारी दिए । 

कार्यक्रमको सञ्चालन कृष्णचन्द्र काफ्लेले गर्नु भएको थियो । स्वागत मन्तव्य राख्दै रामु देवकोटा ( अभ्यास शिक्षण विद्यार्थी ) ले प्रतियोगिहरुलाई शुभकामना दिनु भएको थियो । स्ववियु अध्यक्ष उमेश पुरी, अर्पण पराजुली लगायतले मन्तव्यका साथै आफ्ना रचना पनि प्रस्तुत गर्नु भएको थियो ।  परीक्षा, अनुशासन तथा अतिरिक्त क्रियाकलाप प्रमुख अर्पण पराजुली, प्राध्यापक सङ्घका सभापति भुपेन्द्र कोइराला, हेटौंडा क्याम्पस स्ववियु अध्यक्ष उमेश पुरी, कार्यक्रममा पुरस्कार सौजन्य गर्नु हुने स्ववियु सदस्य कुमार रुम्बा अतिथिका रुपमा रहनु भएको थियो।