हेटौंडामा दलितलाई मन्दिर प्रवेशमा रोक लगाउनेलाई कारवाहीको माग

सुरेन यात्री/ थाहा नगर

मकवानपुर जिल्लाको हेटौंडा ८ कमाने स्थित मनकामना मन्दिरमा जातीय विभेदको घटना भएको छ।
हेटौंडा ८ कमानेमा अवस्थित मनकामना  मन्दिरका पुजारी मधुसूदन काफ्ले र शिव पौडेलले मन्दिरमा पूजा गर्न पुगेकी गंगा मगराती र सरस्वती रोक्का लाई मन्दिरमा पूजा गर्न रोक लगाएका छन।

घटनाको बिरोध गर्दै नेपाल दलित मुक्ती मोर्चा मकवानपुर जिल्ला समितिले एक बिज्ञप्ति जारी गर्दै हेटौंडामा भएको जातिय बिभेदको भत्सर्ना गरेको छ।
मोर्चाका जिल्ला संयोजक जमिन दियाली र जिल्ला इन्चार्ज कमला बिश्वकर्मा द्वारा हस्ताक्षरित बिज्ञप्तिमा भनिएको छ "मकवानपुर जिल्ला हेटौंडा उपमहानगर पालिका वडा न ८ का गंगा मगराती र सरस्वती रोक्कालाई मन्दिरमा पुजा गर्न जादा सोही मन्दिरका पुजारी मधुसूदन काफ्ले र शिव पौडेलले दलित भन्दै पुजा गर्न रोक लगाएको प्रती संगठनको गम्भीर आपत्ति रहेको उल्यख गर्दै घटनाको सत्यतथ्य छानवीन गर्दै दोषीलाई मुलुकी अपराध संहिता २०७४ र जातीय छुवाछुत कसुर सजाय एन २०६८ बमोजिम कडा कारबाहीको माग गर्दै धर्म स्थानमा समान अधिकार र पहुँचको सुनिश्चितताको माग गर्दछौं" बिज्ञप्तिमा भनिएको छ।
साथै मोर्चाले दलित समुदायको साथमा उभिएर घटनाको न्यायीक छानवीन र जिम्मेवार व्यक्तीलाई कानुनी दायरामा लेराउन जोडदार माग गर्दै अन्यथा चरणवद्द आन्दोलनमा उत्रीने जानकारी गराउदै सम्बन्धित पक्षको ध्यानाकर्षण भएको जनाएको छ।
हेर्नुस बिज्ञप्ति:-