सुनौलो विकास केन्द्र कुन्छालमा योग दिवस मनाइयो।

"मानवताका लागि योग" भन्ने नारा संगै "योग गुरु गन्तव्य देश -नेपाल" अभियान सहित, ९औं अन्तर्राष्ट्रिय योग दिवस २०२३ को अवसरमा हरेक वर्ष जुन २१मा हुने योग दिवसको साप्ताहिक कार्यक्रम अन्तर्गत सुनौलो विकास केन्द्रद्वारा संचालन भैरहेको योग ध्यान साधना तथा जीवन्त शिक्षा कार्यक्रम अभियानले आज थाहा नगरको सुनौला माध्यमिक विद्यालय थाहा १ कुन्छालमा योग ध्यान साधना तथा जीवन्त शिक्षा विशेष कार्यक्रम तथा योग दिवस मनाएको छ । 
कार्यक्रममा थाहा नगर प्रमुख श्री विष्णु  बिष्टको प्रमुख आतिथ्यता तथा थाहा १ का वडा अध्यक्ष  हेरमान गोपालीको सभाध्यक्षता रहेको थियो । 
कार्यक्रमको अवसरमा नगर प्रमुख बिष्टलाई वडा अध्यक्ष  हेरमान गोपाली, सुनौलो सामुदायिक सिकाइ केन्द्रका अध्यक्ष रुपचन्द्र गोपाली, जीवन्त शिक्षाका अध्यक्ष तथा विश्व शान्ति तथा अध्यात्म बिज्ञान समाज नेपालका योग गुरु श्री राजन बिडारीबाट थाहामा योग, ध्यान, साधना र जीवन्त शिक्षाको आवस्यकता सम्बन्धि  अवधारणा पत्र हस्तान्तरण गरिएको थियो । 
कार्यक्रममा विधालयका शिक्षकहरु, जनप्रतिनिधिहरु, समाजसेवी ब्यक्तिहरु तथा विधार्थी भाइबहिनीहरुको उल्लेख्य उपस्थिति रहेको थियो।
कार्यक्रम विश्व शान्ती तथा अध्यात्म बिज्ञान समाज तथा सुनौलो सामुदायिक सिकाइ केन्द्र द्वारा आयोजना गरियको केन्द्रका अध्यक्ष रुपचन्द्र गोपालीले बताए।