सिद्धार्थ शिशुसदन माबिको तिहार शुभकामना कार्यक्रम सम्पन्न

मकवानपुर । हेटौंडामा रहेको सिद्धार्थ शिशुसदन माध्यमिक बिद्यालयले तिहार बिशेष शुभकामना आदानप्रदान तथा देउसीभैलो प्रतियोगिता सम्पन्न गरेको छ ।
बिद्यालयको अतिरिक्त क्रियाकलाप अन्तरगत शुक्रबार उक्त कार्यक्रम सञ्चालन गरिएको हो ।
बिद्यालयका बिद्यालय ब्यवस्थापन समिति अध्यक्ष बुद्धराज अर्यालको अध्यक्षता एवम् हेटौंडा उपमहानगरपालिका वडा नं. ५ का वडा अध्यक्ष सुशिल घिमिरेको प्रमुख आतिथ्यतामा भएको कार्यक्रममा बिद्यालयका बिद्यार्थीहरुले देउसी भैलो सहित सांस्कृतिक कार्यक्रम  भएको थियो । साथै बिद्यार्थीहरुले रंगोली समेत बनाएका थिए ।
कार्यक्रममा प्रमुख अतिथि घिमिरेले बिद्यार्थीहरुको संस्कृति र परम्पराको ज्ञान विकासका लागि चाडपर्व लक्षित कार्यक्रमहरु महत्वपूर्ण हुने बताए ।
कार्यक्रममा बिद्यालय सञ्चालक समिति अध्यक्ष नवराज अर्याल, पूर्व बिद्यार्थी समाज अध्यक्ष प्रदिप कंडेल, लाल खवर डटकमका सम्पादक राजकुमार के.सी., अभिभावक कृष्ण न्यौपाने लगायतको आतिथ्यता रहेको थियो । कार्यक्रममा बिद्यालयमा अध्ययनरत बिभिन्न कक्षाका २० भन्दा बढी समूहले देउसी भैलो प्रस्तुत गरेका थिए ।
कक्षा नर्सरीदेखि १० कक्षासम्म अध्ययन हुने बिद्यालयमा हाल ९ सय ८० जना बिद्यार्थी अध्ययनरत रहेको बिद्यालयका प्रधानाध्यापक निर्मल तिमल्सिनाले बताए । प्रधानाध्यापक तिमल्सिनाका अनुसार बिद्यालयमा ६० जना शिक्षक तथा कर्मचारी कार्यरत रहेका छन् ।