लेकाली बसिफाँटकाे अभिभावक भेला, व्यवस्थापन समिति पुनर्गठन

लेकाली बसिफाँट माविको अभिभावक भेलाबाट विद्यालय व्यस्थापन समिति पुर्नगठन गरिएको छ ।
भीमफेदी गाउँपालिका उपाध्यक्ष पार्वती रानाको प्रमुख आतिथ्यतामा भएको भेलाले अभिभावकको तर्फबाट ४ जना छनोट गरी विद्यालय व्यवस्थापन समिति पुनर्गठन गरेको हो ।
समितिमा अभिभावकको तर्फबाट भरत रुम्बा, डेनीलाल श्रेष्ठ, बिनु रुम्बा र सम्झना गोले रहेका छन् ।
समितिमा वडाध्यक्ष प्रकाश पुडाशैनी पदेन सदस्य रहेका छन् भने सदस्य सचिवमा प्रअ एल.एल. मण्डल छन् ।
शिक्षा नियमावली अनुसार अब समितिको बैठक बसेर अध्यक्ष चयन गरिने प्रअ मण्डलले जानकारी दिए ।
त्यसैगरी बुद्धिजीवीरशिक्षाप्रेमीको तर्फबाट विनोदकुमार लामा, महिला सदस्य बिष्णुमाया रुम्बालाई समितिमा मनोनित गरिएको छ ।
विद्यालयमा भएको भेला कार्यक्रममा बोल्दै प्रमुख अतिथि रानाले सबैको सकारात्मक योगदानबाट विद्यालयलाई विद्यालयजस्तो बनाउन सकिने र बालबालिकाको भविष्यको रेखा कोरिने बताईन् ।
समिति अध्यक्ष विनोदकुमार लामाको अध्यक्षतामा भएको भेलामा गाउँपालिका शिक्षा संयोजक गोविन्दप्रसाद चौलागाइ, जाइटी नेपालका प्रवन्धक श्रीबहादुर केसी, अभिभावक शिवराज रुम्बा, सीताराम रुम्बा लगायतले शुभकामना मन्तव्य व्यक्त गरेका थिए भने आमन्त्रितहरुलाई विद्यालयका प्रअ मण्डलले स्वागत गरेका थिए ।