लियो क्लव अफ हेटौंडा भुटनदेविको अध्यक्षमा सञ्चारकर्मी रुपक कालिराज

रेडियो सरोबर समाचार प्रमुख, नेपाल पत्रकार महासंघ मकवानपुरको कार्य समिति सदस्य रहनु भएको रुपक कालिराज लियो क्लव अफ हेटौडा भुटनदेविको अध्यक्षमा क्लवको ५ औं वार्षिक साधारण सभाबाट वर्ष २०१९र २० का लागि अध्यक्षमा चयन भएका छन् । कालिराजको अध्यक्षतामा नयाँ कार्यसमिति चयन गरिएको हो ।
क्लबको प्रथम उपाध्यक्षमा अस्मिता चौलागाई, द्धितिय उपाध्यक्षमा सुशान्त पौखरेल चयन हुनु भएको छ । सचिव र कोषाध्यक्ष भने अध्यक्षले मनोनित गर्ने प्रवधान रहेको छ ।
निर्वा्चित भए पछि कालिराजले युवाहरूको मन मस्तिष्कमा बस्न र समाज परिवर्तनको लागि नयाँ र विशिष्ट कार्य योजनाको साथ अगाडि बढ्ने बताए । लिडरशिप एक्सपिरेन्स र अपरच्यूनिटि यस्ता संस्थाबाट प्राप्त गर्ने बताउदै जोस जाँगर, क्षमता प्रस्फुटन एवम् प्रर्दशन गर्ने थलोको विकास तथा लियोलाई सबै सामु चिनाउनको लागि कटिवद्ध भएर लाग्ने प्रतिवद्धता व्यक्त गरे ।

कालिराज यस क्लवको जन सम्पर्क अधिकृत, सविच, उपाध्यक्ष पदको समेत जिम्मेवारी समालि सकेका छन् । पत्रपत्रिका तथा अनलाईनमा विगत लामो समय देखि कलम चलाउदै आएका छन् । सो कार्यक्रममा क्लवका पुर्व अध्यक्ष तथा निर्वाचन अधिकृत लियो अशोक लामाको प्रमुख आथित्यता तथा क्लवका अध्यक्ष लियो अनिल अधिकारीको सभाध्यक्षतामा कार्यक्रम सम्पन्न भएको थियो ।