ललितपुर वारमा माओवादी निकट कानून व्यवसायीको प्यानल निर्वाचित, श्रेष्ठ बने अध्यक्ष

ललितपुर । ललितपुर वार एशोसियसनमा राम श्रेष्ठ नेतृत्वको गणतान्त्रिक, प्रगतिशील, पेशागत कानुन व्यवसायी समूहको प्यानल विजयी भएको छ । नेकपा (माओवादी केन्द्र) का श्रेष्ठले एमाले, कांग्रेस र एकीकृत समाजवादीको संयुक्त प्यानलका शशि कुमार कार्कीलाई २५१ मत अन्तरले हराए । ६०० भोट खसेकोमा श्रेष्ठले ४२१ र प्रगतिशील, पेशागत, लोकतान्त्रिक, समाजवादी र समावेशी समूहका कार्कीले १७० मत पाए । गणतान्त्रिक प्रगतिशील पेशागत कानुन व्यवसायी समूहबाटै उपाध्यक्षमा बाबुकृष्ण महर्जन, सचिवमा छोनम मोक्तान, सहसचिवमा रिता शेर्पा, कोषाध्यक्षमा रमेश कुमार महर्जन निर्वाचित भएका छन् । यसैगरी महिला दुई सदस्यमा अष्ट कुमारी महर्जन र सुशिला कार्की विजयी बनेका छन् । अन्य सदस्यहरुमा भूमेराज आले मगर, ईच्छाराम महर्जन, रत्न बहादुर बुढा, रोहित कुमार कार्की, राजु अधिकारी, जीवन कुमार बस्नेत, विराज थापा र विपना योगी विजयी भएका छन् । श्रेष्ठ प्यानलका राजु अधिकारी विप्लव निकट नेकपाका हुन् भने अरु सबै माओवादी केन्द्र सम्वद्ध हुन् । ललितपुर बार एसोसियसनको हरेक दुई वर्षमा चुनाव हुने गरेको छ। ललितपुर बारमा ८ सय १२ कुल मतदाता छन्। मुख्य निर्वाचन अधिकृत प्रकाश महर्जनका अनुसार मतदान विहान ८:३० बजेदेखि दिउसो ४ः३० बजेसम्म मतदान भएको थियो भने त्यसपछि भएको मतगणना सम्पन्न भएको हो।