यातायातमा छुट नदिदा मकवानपुका विद्यार्थी आन्दोलनमा उत्रिए

मकवानपुरका विद्यार्थीहरु आन्दोलनमा उत्रिएका छन् । सार्वजनिक यातायातमा विद्यार्थीलाई ४५ प्रतिशत छुट दिने निर्णयको कार्यान्वयन गर्न माग गर्दै आन्दोलनमा उत्रिएका हुन्न । मकवानपुरका मझौला यातायातसहित अन्य सार्वजनिक संस्थाहरुले निर्णय कार्यान्वयन नगरेपछि विद्यार्थीहरुले सडक आन्दोलन सुरु गरेका हुन् ।
यातायात व्यवसायिहरुले विद्याथीहरुलाई  मनोमानी गरेको  भन्दै मकवानपुरका विद्यार्थीहरुले आज (बिहीबार) सिठ्ठी आन्दोलन गरेका हुन् । हेटौंडाको मकवानपुर बहुमुखी क्याम्पस र हेटौंडा क्याम्पसका गरी करिब डेढ सय भन्दा बढी विद्यार्थीले सडकमा सिठ्ठी बजाएर नाराबाजी गरेका छन् । हेटौंडाको सीमा चोकमा कोण सभा गरी सिठ्ठी आन्दोलन समापन गरिएको संयुक्त विद्यार्थी मकवानपुरले जनाएको छ ।

जिल्ला प्रशासन कार्यालयमा गत फागुन २७ गते भएको सहमतिको हुबहु कार्यान्वयन हुनुपर्ने माग गर्दै विद्यार्थीहरु आन्दोलनरत छन् । आन्दोलनका कार्यक्रम अनुसार भोली (शुक्रबार) हेटौंडामा सडक नाटक देखाई सडक बहस गर्ने कार्यक्रम रहेको जनाइएको छ ।

प्रमुख जिल्ला अधिकारी(सिडिओ) आस्मान तामाङले विद्यार्थीहरुसँगको बठैक बस्ने भएका छन् । सिडिओ तामाङले भोली (शुक्रबार) दिउँसो २ बजेलाई बैठक बस्ने तय गरिएको ४५ प्रतिशत छुट अभियानका अभियान्ता रामकृष्ण शिवाकोटीले बताए ।