मृगौला पिडीत बबितालाई नेपाल रेडक्रस सोसाईटी उप–शाखा पालुङले संकलीत रमक हस्तान्तरण

   नेपाल रेडक्रस सोसाईटी उप–शाखा पालुङले थाहा नगरपालिका–२ (पालुङ)की मिर्गौला पिडीत बबिता ढकालको उपचारका लागि संकलीत १ लाख ८२ हजार ६ सय पचासी रुपैंया नगद श्रमिान देबचन्द्र ढकाललाई बुझाएको छ ।
   उप–शाखा पालुङका पदाधिकारीहरुको सक्रियतामा उठाइएको रकम बैशाख १० गते एक कार्यक्रमको आयोजाना गरी बुझाइएको हो । शाखा सभापति केदार प्रसाद बिडारीले विपतको अवस्थामा सहयोग गर्नु रेडक्रसको भुमिका भएकोले उप–शाखा पालुङले संकलन अभियान चलाएको बताउँदै रकम सहयोग गर्नु हुने सबैलाई धन्यवाद  ब्यक्त गर्नु भएको थियो । 
   स्थानीय क्षेत्रमा स्वास्थ्य स्वयमसेविकाको रुपमा लामो समय सेवा गरेकी ढकालको उपचारको लागि ठूलो धनरासी खर्च भैसकेकोे र उपचारमा आर्थीक समस्या हुँदै गए पछि विभिन्न ब्यक्तिी तथा संस्थाहरुले सहयोग गरिरहेका छन् । अष्ट्रेलियावाट सरिता ढकालले संकलन गरेर  १ लाख १६ हजार, बेलायतवाट बिशाल ढकालले २५ हजार, जापानवाट बिनोद अधिकारीले २० हजार, बेलायतवाट कल्याण हमालले २० हजार, मत्स्य नारायण माध्यामिक विद्यालयले ५५ हजार, अमेरीकावाट संकलन गरेर बिपिन धितालले ३१ हजार, पाथिभरा बचत तथा ऋण सहकारी संस्था, थाहा– २ ले १५ हजार नगद सहयोग गरेको भतिज तथा बविता ढकाल बचाउ अभियानका अनन्त ढकालले जानकारी दिनु भयो । उहाँले अरु थुप्रै सहयोगी महानुभावले सहयोग  गरिरहेको र इच्छुकलाई सम्पर्क गर्नका लागि पनि अनुरोध गरेका छन् । 
   अधिकांश समय अस्पतालमै बिताउन बाध्य भएकी उनी हाल जीवन–मरणको दोसाँधमा छिन् । काठमाडौं आएर उपचारका लागि झण्डै ७ लाख रुपैयाँ खर्च भैसकेकोले अब उपचार गर्न समस्या भएको परिवारको गुनासो छ । मिर्गौला प्रत्यारोणका लागि पनि ठूलो खर्च लाग्ने भएपछि उनको उपचार गर्न नै समस्या भएको छ । नियमित डायलासिसका लागि औषधि किन्न पनि रकम जुटाउन नसके पछि बबिताले आर्थिक सहायताका लागि सबैसमक्ष अपील गर्नु भएको छ् । त्रिबि शिक्षण अस्पतालमा उपचार गराइरहेकी बबिता आफू छिटै निको भएर फेरि गाउँउँघरमा सेवामा फर्किन चाहेको बताउनु हुन्छ । बबिताका श्रमिान देबचन्द्र पनि आर्थिक समस्याका कारण उपचार गराउन नसकिने हो कि भन्नेमा रहेका छन् ।
   बबितालाई सहयोग गर्न चाहानेले नेपाल बैंकको खाता नम्बर ०९३०१०००९६४२३६०००००१ मा  सहयोग रकम जम्मा गर्न सकिने छ भने सहयोग गर्न ९८४५०७२३१८ मा सम्पर्क पनि गर्न सकिन्छ ।