मुक्तिनाथ कृषि सहकारीले आफ्नो सातौं साधारणसभाको अबसरमा सुपथ मूल्य कृषि सहकारी पसल संचालन गर्दै।

थाहा २ फाटबजारमा अबस्थित मुक्तिनाथ कृषि हरियाली कृषक सहकारी सस्थाको सातौं साधारणसभा सस्थाका अध्यक्ष माधव कार्कीको सभापतित्वमा सम्पन्न भयको छ। साधारणसभामा प्रमुख अतिथि थाहा नगरपालिका वडा न २ का अध्यक्ष गुप्त बहादुर कार्की, बिशिष्ट अतिथि कृषि सहकारी संघ मकवानपुरका संचालक राजकुमार के.सी. ,पाथिभरा बचत तथा ऋण सहकारीका अध्यक्ष गोकर्ण बरुवाल, थाहापाटीका डेस्क सम्पादक शम्भु अधिकारी, नेपाली काङ्ग्रेस थाहानगर उपसभापति नवराज कार्की,  पालुङ जेसीज बर्ष २०२२ का कानुनी सल्लाहकार संगम कार्की, पाथिभरा बचत तथा ऋण सहकारीका ऋण अधिकृत राजाराम कार्की लगायतका सस्थाका महिला समुहका अध्यक्षहरुको उपस्थिति रहेको थियो। साधारणसभाको अबसरमा संस्थाको नयाँ कार्यालय र सुपथ मूल्य सहकारी पसलको प्रमुख अतिथि गुप्त बहादुर कार्कीले उद्घाटन गर्नुभएको थियो।
साधारणसभाको अबसरमा कृषि सहकारी संघ  मकवानपुरका संचालक राजकुमार के.सी., पालुङ कृषि तथा पसुपन्छी कृषक समुहका अध्यक्ष गगन प्रधान, नेपाली काङ्ग्रेस थाहानगर उपसभापति नवराज कार्की, २ नम्बर वडा सदस्य बिस्णु बहादुर थापा, पालुङ जेसिज २०२२ का कानुनी सल्लाहकार संगम कार्की, पाथिभरा बचत तथा ऋण सहकारीका अध्यक्ष गोकर्ण बरुवाल लगायतकाले शुभकामना मन्तव्य दिनुभयको थियो। साधारणसभामा आफ्नो प्रतिबेदन प्रस्तुत गर्दै सस्थाका अध्यक्ष माधव कार्कीले बचत वृद्धि, sheyarर पुँजी वृद्धि , सहकारी पसल संचालन ,मल,बीउ,विषादि लगायत कृषि सामाग्री बिक्री बितरण गर्ने,भेटेनरी सम्बन्धि बिज्ञको ब्यबस्था गर्ने गरि कृषि पसल संचालन गर्ने लगायतका कृषक र कृषिलाई प्राथमिकतामा राखी कार्य संचालन गर्ने प्रतिबेदन प्रस्तुत गर्नुभएको थियो।वहाँले सस्थाको सेयर पुजि ,१३ लाख ५८ हजार तीन सय रुपैया,निक्षप १३ लाख ५९ हजार ,कर्जा लगानी २२ लाख ५२ हजार पुगेको प्रतिबेदन पेश गर्नुभयो।
कार्यक्रममा आफ्नो शुभकामना मन्तव्य राख्दै प्रमुख अतिथि गुप्त बहादुर कार्कीले संस्थाले कृषि सम्बन्धि सुपथ पसल स्थापना गरि थाहाका कृषकहरुलाई सहुलियत रुपमा मल उन्नत जातका बिउबिजन उपलब्ध गराउन लागेकोमा आभार ब्यक्त गर्नुभयो। कार्यक्रम स्वास्थ्य मापदण्ड पालना गर्दै संचालित भयको थियो भने कार्यक्रमलाई सस्थाका उपाध्यक्ष तुलसा बिष्टले संचालन गर्नुभयको थियो।