मिस फेस अफ हेटौंडा, थाहाकी सफलता नेपाली 

हेटौंडामा हिजो राती सम्पन्न मिस फेस अफ हेटौंडा २०१९ का ६ प्रतिष्पर्धीलाई पछी पार्दै मकवानपुरको थाहा नगरपालिका ३ का सफलता नेपाली बिजेता घोषित भएकी छिन् ।
 प्रतियोगिताको फाईनलमा निर्णायकको मन जित्दै १६ वर्षिया उनले नगद २० हजार उपाधीसँगै सहित उपहार पाएकी छिन् । प्रतियोगितामा सुजिना तामाङ फस्ट रनरअप र बसन्ती तितुङ सेकेण्ड रनरअप हुन सफल भएकाछन् । तामाङले आकर्षक उपहार पाईन् भने तितुङले उपहारसँगै भ्युअर्स च्वाईस उपाधी र मिस फोटोजेनिक टाईटल पनि हात पारेकाछन् ।
 ६ टाईटल उपाधीका लागि भएको प्रतिसपर्धामा पेमा तामाङले मिस बेस्ट स्कीन, दिप्सी भुसालले मिस हेयर, मोनिका ढकालले मिस बेस्ट कन्फीडेन्ट, सरुना ढुङ्गानाले मिस बेस्ट डिसिप्लीन टाईटल जित्न सफल भएका छन् । युवतीहरुको व्यक्तित्व विकास, मनोबल विकास र नारी सशक्तिकरण गर्ने उदेश्यले प्रतियोगिता गरिएको कार्यक्रम संयोजक रुएल सुनारले बताए । मोडल तथा नायिका प्रमिता राज्यलक्ष्मी शाह प्रमुख निर्णायक रहेको प्रतियोगितामा कोरियोग्राफर सोफिया फागो, मोडलहरु सद्दाम हुसेन, संकेत बस्याल र अनमोल जंग क्षेत्री निर्णायक रहेका थिए । लिप्पो फेन्सीले आयोजना गरेको प्रतियोगिताको फाईनलमा प्रदेश नम्बर ३ की सांसद जुनेली श्रेष्ठको प्रमुख अतिथ्यमा भएको थियो ।