मिनी ट्रक जडिबुटीसहित थाहाका ३ जना पक्राउ

ईलाका प्रहरी कार्यालय पालुङ र सबडिभिजन वन कार्यालय पालुङकाे संयुक्त टाेलीले एक मिनी ट्रक  जडिबुटीसहित थाहानगरका ३ जनालाई पक्राउ गरेकाे छ ।

पक्राउ पर्नेमा अाइचर चालक थाहा-७ का १९ बर्षीय राजकुमार गोले,  ट्रकमा सवार साेही ठाउँ बस्ने  ५१ बर्षीय बुद्दिलाल थिङ्ग र  १८ बर्षीय रमेश थिङ रहेका छन् । 

मकवानपुरकाे कैलास गाउँपालकास्थित डाँडाखर्कतर्फ बाट थाहा नगरपालिकाकाे डाँडाबासतर्फ आउदै गरेको जडिबुटी लाेड गरिएकाे अाइचर कम्पनीको बा. ४ ख. ९६३२ नम्बरको ट्रक  नियन्त्रणमा लिई उनीहरुलाई पक्राउ गरीएकाे ईलाका प्रहरी कार्यालय पालुङका प्रहरी  निरीक्षक बिकासकुमार तामाङले बताउनु भयाे । 

अवैध किसिमले वन पैदवार जडिबुटी ट्रकमा लोड गरी ओसार पसार गरिरहेको  भन्ने विशेष सूचनाको अाधारमा गएकाे संयुक्त टाेलीले थाहा-७ गैरीगाउँ राम्चे मोडबाट उनीहरुलाई ट्रकसहित नियन्त्रणमा लिईएकाे  प्रहरीले जनाएकाे छ । 

थप आवश्यक अनुसन्धान तथा कारवाहीको लागि प्रहरीले  डिभिजन वन कार्यालय राप्ती मनहरीमा बुझाएकाेमा उक्त कार्यालयले थप अनुसन्धान गरिरहेकाे सहायक वन अधिकृत  सुरेशप्रसाद गुप्ताले जानकारी दिनु भयाे । प्रहरीले काउलाेकाे बाेक्रा र स्थानीय क्षेत्रमा खसखसे भनिने बास्नादार घाँसकाे धुलाेसहित बुझाएकाे उहाँले जानकारी दिनुभयाे । 

अहिलेसम्म बरामद सामानकाे परिमाण एकिन नभएकाे  र जिल्ला अदालत मकवानपुरबाट म्याद थप गराई थप अनुसन्धान गरिरहेकाे  डिभिजन वन कार्यालयले जनाएकाे छ । प्रारम्भिक अनुसन्धानमा ट्रकमा रहेकाे जडिबुटी अाेसारपसारकाे कुनै ईजाजत नभएकाे कार्यालयका गुप्ताले बताउनुभयाे