मकवानपुर पास्टर एशोसियशनको अध्यक्षमा थाहाको सुवास गोपाली

पुर पास्टर एशोसिएशनको अध्यक्ष थाहाका पास्टर सुवास गोपाली चयन भएका छन् । आज भएको मकवानपुर पास्टर एशोसिएशनको १२ औँ अबिधेशनले गोपालीको अध्यक्षतामा ११ सदस्यीय नयाँ कार्यसमिति चयन गरेको हो । समितिको उपाध्यक्षमा उत्तम थोकर, कुमार पाख्रिन, विष्णु लाल प्रजा र रमिला शर्मा, सचिव सागर श्रेष्ठ, कोषाध्यक्ष मदन सिं सिन्तान चयन भएका छन् । भने सदस्यहरु पुर्ण लामा, सामेल राई,विजय बजगाई र मिन बहादुर रुम्बा चयन भएका छन् । नवनिर्वाचित अध्यक्ष गोपालीले संचारकर्मीहरुसंग कुराकानी गर्दै मकवानपुर पास्टर एशोसिएशनलाई स्वर्णिम बर्ष र दिन बनाउने बताउनु भयो । उहाँले एशोसिएशनले सबै क्षेत्रलाई समेटेर नेतृत्व, व्यक्तित्व विकास गर्न तर्फ लाग्ने भन्दै ईसाईहरुको हकहितको लागि आवाज उठान सदैव अग्रसर हुने उद्घोष गर्नु भयो । संस्थाले गरेका गतिविधिहरुलाई पत्रपत्रिका,रेडियो,टेलिभिजन लगायतको माध्यमबाट प्रचारप्रसार गर्ने,ठुला ठुला सभा सम्मेलन,चंगाई कार्यक्रम राख्ने, खिष्ट्रियन सामाजिक, सांस्कृतिक, धार्मिक पर्व र उत्सवहरुलाई बढवा दिने, मण्डली मण्डलीबीच एकता र जागृति ल्याउन भुमिका खेल्ने, अन्तर मण्डलीय फुटबल प्रतियोगिता गर्ने, म्यारथुन दौड, मकवानपुर पास्टर एशोसिएशनलाई आधिकारिक रुपमा दर्ता गर्ने,विधान संसोधन गर्र्ने,आफ्नै जग्गा र भवनको लागि पहल गर्ने लगायतको काम गर्ने योजना अघि सारेको बताउनु भयो ।. नवनिर्वाचित समितिको ३ बर्षे कार्यकाल हुनेछ । आज हेटौँडा—५ अवस्थित रहेको जयगणेश पार्टी प्यालेसमा सम्पन्न भएको अधिबेशनमा एनसिएफ नेपालको अध्यक्ष रेभरेण्ड पास्टर हनोक तामाङ,हेटौँडा उपमहानगरपालिकाकी मेयर मिना लामा लगायतले बधाई तथा सफल कार्यकालको शुभकामना दिनुभएको थियो । एशोसिएशनका अध्यक्ष दिपक भोलनको सभाध्यक्षतामा कार्यक्रम भएको थियो ।