भोलि सार्बजनिक बिदा।

मुस्लिम धर्मावलम्बीको पवित्र चाड इदको अवसरमा मंगलबार सार्वजनिक बिदा हुने भएको छ । मुस्लिम आयोगले भोलि विदा दिन सरकारलाई सिफारिस गर्ने भएकाे हाे शोमबार इदकाे विदा दिइने चर्चा भए पनि सरकारले निर्णय लिएकाे थिएन ।
आइतबार साँझ चन्द्रमा नदेखिएको हुनाले सोमबार  बिदा दिन गृह मन्त्रालयलाई पत्राचार नगरिएकाे आयाेगले जनाएकाे छ । आयोगका अध्यक्ष समिम अन्सारीका अनुसार  ‘आइतबार चन्द्रमा न देखिएकाले भोलि बिदाका लागि सिफारिश गर्न सकिएन । अब आज गृह मन्त्रालयलाई मंगलबार  बिदा दिनका लागि सिफारिस गर्छौं ।’
गृह मन्त्रालयका अधिकारी अबेरसम्म आयाेगकाे पत्र पर्खिरहेका थिए । 
 इस्लाम धर्मावलम्बिले मनाउने इदका अवसरमा सार्वजनिक बिदा दिने भनेर राजपत्रमा नै प्रकाशित भइसकेको छ । त्यसैले यो निर्णय मन्त्रिपरिषद्बाट गरिरहनुपर्दैन ।
मुस्लिम आयोगले गर्ने सिफारिसका आधारमा गृह मन्त्रालयले निर्णय लिन सक्छ । चैत महिनामा बसेको मन्त्रिपरिषद् बैठकले २०७९ साल वैशाख १ गतेदेखि चैत मसान्तसम्म एक वर्षभरिका सबै सरकारी कार्यालय तथा सार्वजनिक निकायका लागि सार्वजनिक पर्व एव सट्टा बिदा कार्यालय समय राजपत्रमा प्रकाशित गरेको थियो । राजपत्रमा प्रकाशित सूचनामा इस्लाम धर्मावलम्बीको पर्व इद (इद उल अजहा) का दिन र इद (इद उल फित्र) का दिन बिदा दिने उल्लेख गरिएको छ ।