भाेलिदेखि थाहानगरमा बन्दाबन्दीकाे समय घट्ने, साँझ ६ बजेबाट बजार बन्द गर्न सर्वपक्षीय बैठककाे सुझाव

थाहा नगरपालिकामा भाेलिदेखि बन्दाबन्दीकाे समय केही घटाउन सुझाव दिइएकाे छ । थाहा नगरपालिकामा अाज नगर प्रमुख लवशेर विष्टकाे संयाेजकत्वमा बसेकाे सर्वपक्षीय बैठकले यस्ताे सुझाव दिएकाे हाे । गत भदाै १६ देखि जारी अांशिक बन्दाबन्दीकाे समीक्षा गर्न अाज बैठक बसेकाे हाे । यसअघि भदाै २३ गतेसम्म  दिउँसाे ४ बजेपछिकाे समयमा बजार बन्द गर्नेगरी सूचना जारी भएकाे  थियाे ।

अाजकाे बैठकमा बजार बन्द गर्ने समय बेलुका ६ बजेलाइ ताेक्न सुझाव दिइएकाे छ ।  बैठकमा उपमेयर खड्ग गाेपाली, राजनीतिक सल्लाहकार विष्णु विष्ट, नेकपाका थाहानगर सचिब सानुकाजी गाेपाली, नेपाली काँग्रेस थाहानगर सभापति याेगेन्द्रमान श्रेष्ठ, पालुङ प्रहरी प्रमुख विकासकुमार तामाङ, थाहानगर उद्योग वाणिज्य संघका महासचिब सुरेन्द्रमान प्रधान लगायतकाे सहभागिता रहेकाे थियाे । 

समीक्षा कार्यक्रममा डा. उदय राेकाले नगरमा गरिएकाे स्वाब संकलन र प्राप्त रिपोर्टका अाधारमा थाहा नगरपालिका काेराेनाकाे पहिलाे चरणमै रहेकाे र नाकामा कडाईबाहेक अान्तरिक लकडाउन गर्न अावश्यक नरहेकाे बताउनुभएकाे थियाे । 

कार्यक्रममा सहभागीहरुले यसअघि अपनाइएकाे सावधानीकै कारण थाहानगर काेराेनाकाे जाेखिमबाट मुक्त भएकाेले बिस्तारै जनजीवन सहज बनाउदै जानेतर्फ साेच्नु पर्ने धारणा राखेका थिए । 

सर्वपक्षीय बैठकले दिएकाे सुझावलाई समेत समेटेर थाहा नगरपालिकाकाे बैठकले निर्णय गर्नेछ । कार्यपालिकाकाे बैठक अाजै बस्दैछ ।