पालुङ बहुमुखी क्याम्पसको उत्कृष्ट नतिजा

थाहा नगरपालिका स्थित क्याम्पस पालुङ बहुमुखी क्याम्पसले व्यवस्थापन संकाय अन्तर्गत उत्कृष्ठ नतिजा हांसिल गरेको छ । 
त्रिभुवन बिश्व बिद्यालयले १७ गते सार्वजनिक गरेको व्यबस्थापन संकाय दोस्रो बर्षको नतिजामा पालुङ बहुमुखी क्याम्पसले उत्कृष्ट नतिजा हांसिल गरेको हो । नेपालको कुल नतिजामा २९.७१ प्रतिशत उतिर्ण हु“दा पालुङ बहुमुखी क्याम्पसले ७६.६ प्रतिशत नतिजा प्राप्त गरेको छ ।
पालुङ बहुमुखी क्याम्पसले व्यवस्थापन संकाय अन्तर्गत १३ जना बिद्याथीहरुले परिक्षा दिएकोमा १० जना उतिर्ण भएका छन् ।
बि.ए.(मानविकि) तथा बि.बि.एस. (ब्यवस्थापन) संकायमा अध्ययन अध्यापन भैरहेको यस क्याम्पसले अध्ययनरत विद्यार्थीहरुलाई हरेक वर्ष ५ जना गरीब तथा जेहेन्दार बिद्यार्थीहरुलाइ ५÷५ हजारको दरले छात्राबृति दिंदै आइरहेको छ । 
यस अघि पनि बि.ए.(मानविकि) संकायको तेस्रो बर्षमा पनि उत्कृष्ट नतिजा हांसिल गर्न सफल भएको थियो । शिक्षाको गुणस्तर वृद्घि गर्नका लागि क्याम्पसले जेहन्दार तथा अनुशासित विद्यार्थीहरुलाई छात्रवृत्तिको ब्यवस्था गरेकोछ ।
थाहा नगरपालिकामा मानविकि तथा ब्यवस्थापन संकायमा पढाइ भैरहेको एकमात्र क्याम्पसले उत्कृष्ट नतिजा ल्याउन सफल भैरहेकोले यस क्याम्पसमा पढन्का लागि विद्यार्थीहरु आकर्षित भइरहेका छन् ।
वीद्यार्थीहरु बिभिन्न सरोकारवालाहरुको सहयोगमा छात्रवृत्तिकोषको स्थापना गरिएको क्याम्पसका प्रमुख रामहरि अधिकारीले बताउनु भयो ।
बिष्णु प्रसाद ढकालले आफ्नोे बुबाको स्मृतिमा दुबै संकायका एक÷एक जनालाइ नगद ५÷५ हजार, सह–प्राध्यापक हरिकृष्ण कार्कीले आफ्नो बुबाको स्मृतिमा नगद ५ हजार, लेखापाल मधुसुदन रायमाझीले आफनो कान्छो छोराको स्मृतिमा नगद ५ हजार र क्याम्पस प्रमुख अधिकारीले नगद ५ हजार नियमित रुपमा छात्राबृति स्वरुप सहयोग गर्दै आइरहेका छन । यस्तै यस वर्षबाट बालमकुन्द ढकालले ३ लाख ५ हजारको पालुङ बहुद्धेश्यीय सहकारी संस्थामा छात्राबृत्तिकोष जम्मा गरेको समेत क्याम्पस प्रमुख अधिकारीले बताउनु भयो ।