लामो समयदेखि लकडाउन हुँदा पठनपाठनमा समस्या भएपछि पालुङ बहुमुखी क्याम्पसले रेडियोबाट पढाउने भएको छ । उत्तरी मकवानपुरमा सबैभन्दा धेरै सुनिने दामन एफ. एम. ९०.८ मेगाहर्जबाट पढाउन लागिएको क्याम्पस प्रमुख रामहरि अधिकारीले बताए ।
शिक्षा मन्त्रालयले बैकल्पिक विधिहरुको उपयोग गरी पठनपाठन गर्न आग्रह गरेसँगै पालुङ क्याम्पसले रेडियोको उपयोग गरी पढाउने तयारी गरेको हो । क्याम्पसमा शनिबार बसेको प्राध्यापकहरुको बैठकले आगामी असार ५ गतेदेखि साँझ ५ बजेदेखि ६ बजेसम्मको समयमा विषयगत कक्षा संचालन गर्ने निर्णय गरेको सहायक क्याम्पस प्रमुख राजन मिश्रले जानकारी दिए । ‘क्याम्पसका सबै विद्यार्थीको पहुँचमा भएको, सबैसँग रेडियो सुन्ने सेट रहेको र रेडियोबाट प्रशारणसँगै फेसबुकमा पनि सँगै प्रशारण हुने भएकोले विकल्पको रुपमा रेडियो नै रोजिएको हो,’ उनले भने । अनलाइनबाट पनि पढाउन सकिने भए पनि डाटाबाट अनलाइनमा समस्या हुने, महँगो पर्ने र सबैको पहुँचमा पनि नभएकोले अनलाइनभन्दा रेडियो उत्तम मानिएको उनको भनाइ छ ।
स्नातक तहअन्तर्गत मानविकी र व्यवस्थापन संकायमा पठनपाठन हुँदै आएको उक्त क्याम्पसले हाललाई स्नातक तह तेस्रो र चौंथो वर्षमा अध्ययनरत विद्यार्थीहरुलाई लक्षित गरी अध्यापन गर्ने तयारी गरिएको छ । विषयगत रुपमा प्राध्यापकहरुले आफ्ना विद्यार्थीहरुलाई लक्षित गरी तयार पारिएको अडियो सामग्री रेडियोबाट प्रशारणको व्यवस्था मिलाइएको दामन एफ. एम. का अध्यक्ष अरुण रायमाझीले बताए । रेडियोबाट कार्यक्रमको संयोजन एफ. एम. का कार्यक्रम व्यवस्थापक एवम् पालुङ क्याम्पसका प्राध्यापक कुमार नेगीले गर्ने एफ. एम. ले जनाएको छ ।
कार्यक्रम व्यवस्थापक नेगीका अनुसार रेडियोबाट प्रशारण हुने कार्यक्रमको फेसबूक लाइभ पनि हुने भएकोले फेसबुक प्रयोगकर्ता विद्यार्थीहरुले आफूलाई कुनै कुरामा थप स्पष्ट हुनु पर्ने भए फेसबुकबाट प्राध्यापकसँग अन्तरक्रिया गर्न सक्नेछन् । कार्यक्रम सकिएपछि विद्यार्थीहरुले कुनै पनि बेला भिडियो लाइभलाई डाउन गरेर आफूलाई पायक पर्ने समयमा पनि सुन्न सक्नेछन् । प्राध्यापक, विद्यार्थीहरु र विषय तालिकाको लागि सहायक प्रमुख राजन मिश्रले संयोजन गर्ने क्याम्पसले जनाएको छ ।
कुन बार कुन विषयमा पठनपाठन हुने भन्ने बारेमा विद्यार्थीहरुलाई फोनबाट जानकारी गराइने र एफ. एम. बाट पनि प्रशारण गरिने मिश्रले बताए ।
पालुङ बहुमुखी क्याम्पस उत्तरी मकवानपुरकै एक मात्र स्नातक तहको क्याम्पस हो । क्याम्पसमा हाल १ सय ७ जना विद्यार्थी अध्ययनरत छन् ।
हेटौंडा/ मकवानपुर क्षेत्र नम्बर १ बाट निर्वाचित सांसद एवं राष्ट्रिय स्वतन्त्र पार्टी (रास्वपा)का नेता प्रकाश...
हेटौंडा/ मकवानपुर क्षेत्र नम्बर १ बाट निर्वाचित सांसद एवं राष्ट्रिय स्वतन्त्र पार्टी (रास्वपा)का नेता प्रकाश...
थाहा अस्पतालमा उत्कृष्ट कार्यसम्पादन गर्ने कर्मचारीलाई सम्मान गर्दै ‘फेरि भेटौँला’ तथा हरितालिका तीजको...
थाहा नगरमा तिलगंगा सामुदायिक आँखा केन्द्र पालुङ र हेटौंडा सामुदायिक आँखा केन्द्रको आयोजनामा स्थानीय परियोजना...
थाहा नगरपालिका–४, थानाबजारमा लायन्स क्लब अफ थाहा पिसको आयोजनामा भएको बृहत् रक्तदान कार्यक्रममा ७६ जनाले...
थाहा नगरपालिका–१ स्थित श्री झम्केश्वरी माध्यमिक विद्यालय भौतिक पूर्वाधार, व्यवस्थित व्यवस्थापन तथा शैक्षिक...
मकवानपुरको भीमफेदी, जुरिखेतमा भएको स्कारपिओ दुर्घटनामा उच्च अदालत जनकपुरको अस्थायी इजलास वीरगंजका न्यायाधीश...
मकवानपुर थाहा नगरापलिकाको प्रशिद्ध धार्मिक स्थल ऋषेश्वरमा ३० साउनमा परेको शनिबार एकैदिन ३ हजार बढिले दर्शन...
मकवानपुरको थाहा नगरपालिका वडा नम्बर ७ का ४ सय १३ परिवारका लागि ‘एक घर, एकधारा’ निर्माणसहित चिसापानी मझुवा...
मकवानपुरको थाहा नगरपालिकामा आर्थिक वर्ष २०८२/८३ मा कुल १ हजार ७ सय ३८ वटा व्यक्तिगत घटना दर्ता भएका छन् ।...
