नेपाल रेड्क्रस सोसाइटी उपशाखा छतिवनको बिपद व्यवस्थापन स्वयंसेवक परिचालन सम्बन्धी अभिमुखिकरण ।

नेपाल रेडक्रस सोसाइटी उपशाखा छतिवनको आयोजनामा विपद व्यवस्थापन स्वयंसेवक परिचालन सम्बन्धि पालिका स्तरीय अभिमुखिकरण कार्यक्रम सम्पन्न भएको छ।

दैबीप्रकोप तथा महामारीको रुपमा फैलिरहेको डेङु लगायत विभिन्न खाले आपत बिपत मा रेड्क्रसकर्मी को भुमिका, स्वयंसेवकको भुमिका तथा परिचालनको विषयमा अभिमुखिकरण दिइएको हो ।
बकैया को हात्तिसुडे बजार परिक्रमा गरि महामारी डेङु, पानीका मुहान तथा बाढी पहिरोको जोखिम तथा बिपद सम्बन्धि प्रचार प्रसार सहित सुरु भएको कार्यक्रममा जिल्ला रेडक्रस मकवानपुर साखा मन्त्री सुमित्रा काफ्लेले कार्यपत्र प्रस्तुत गरि सहजीकरण गर्नुभएको थियो भने बिपदको पुर्व तयारी ,समस्या तथा  बिपद पछिको मानवीय राहत को विषयमा जिल्ला रेड्क्रस सोसाइटी मकवानपुरका प्रमुख लक्ष्मण  भट्टराई ले कार्यपत्र सहित प्रशिक्षण दिनु भएको थियो ।
कार्यक्रममा प्रमुख अतिथी बकैया गाउँपालिकाका उपाध्यक्ष भक्त बहादुर खत्रीले बिपद भैपरी आउने र मानविय क्षती निम्त्याउने हुदा तयारी अवस्थामा रहनुपर्नेमा जोड दिनुभयो।
छतिवन उपशाखा सभापती भरतप्रसाद सापकोटाको अध्यक्षतामा भएको कार्यक्रममा बकैयाका १२ वडाका जनप्रतिनिधि, रेडक्रस कर्मी , सरोकार वाला हरुको उपस्थिति थियो ।