नगर प्रमुख लबशेर बिष्टद्वारा विद्यालय भवन उद्घाटन
— जनमुखी

थाहा नगरपालिका प्रमुख लबशेर बिष्टले आज थाहा नगरपालिका ४ दामन स्थित श्री ऋषेश्वर आधारभुत बिद्यालयको नव निर्मित दुईकोठे भवनको उद्घाटन गर्नु भएको छ । 
जिल्ला कार्यान्वयन इकाईको सहयोगार्थ निर्मित भवनको उद्घाटन कार्यक्रमका प्रमुख अतिथि बिष्टले शिक्षा सुधारको लागि समुदायनै वढी जिम्मेवार हुने भन्दै सामुदायिक विद्यालयप्रति समुदायले वढी भन्दा वढी निगरानी गरि बिद्यालय सुधार तथा कार्वाही गर्नु पर्ने कुनै पनि गुनासो भएमा नगपालिकामा जानकारी गराउन अनुरोध गर्नु भयो ।
बिद्यालय ब्यवस्थापन समितिका अध्यक्ष तथा वडा नम्बर ४ का वडाअध्यक्ष दिपक सिं लामाको सभाध्यक्षतामा भएको कार्यक्रममा लेकाली बसिफाँट माध्यामिक विद्यालय ब्यवस्थापन समितिका अध्यक्ष बिनोद कुमार लामाले छोरा छोरी नपढाउने अभिभावकहरुलाई लक्षित गरि नगरपालिकाले अभियान चलाउनु पर्ने मन्तव्य ब्यक्त गर्नु भएको थियो । 
प्रधानाध्यापक जयराम अधिकारीले संचालन गर्नु भएको कार्यक्रममा शैक्षणिक सुधारात्म प्रतिबेदन सहित शिक्षक भद्रध्वज केसीले स्वागत मन्तव्य राख्नु भएको थियो ।

अभिभावक तथा सरोकारवालाहरुको उल्लेख्य सहभागीता रहेको कार्यक्रममा रामशरण पाख्रिनको अध्यक्षतामा शिक्षक अभिभाबक संघ गठन गरिएको छ । संघको सदस्यहरुमा सोम ब भोम्जन, सीता भोम्जन, सुमित्रा थिङ्ग, आईते सि भोम्जन र शिक्षक प्रतिनिधिमा अमृत गोले चयन भएका छन् । कार्यक्रमको अवसरमा ४८जना छात्रालाई छात्रबृत्ति बितरण गरिएको थियो ।
विद्यालय भवन २० लाख ७२ हजार ४ सय ७९ को लागतमा निर्माण भएको हो ।