थाहा नगर शिक्षा शाखा प्रमुख शोभाकर रेग्मीको बिदाई

थाहा नगरपालिका अन्तर्गत तत्कालीन गाबिस हुँदा देखि यस क्षेत्रको शैक्षिक विकासमा योगदान तथा दख्खल राख्दै विगत १२ बर्ष देखि अनवरत रुपमा नेपाल सरकारको राष्ट्र सेवकको हैसियतमा थाहा नगरपालिका भित्र विद्यालय निरीक्षक तथा २०७५ देखि थाहा नगरपालिकामा उपसचिव स्तर १० औं तहमा रहि थाहा नगरको शिक्षा शाखा प्रमुखको जिम्मेवारी निभाउदै आइरहनु भएका शाखा प्रमुख शोभाकर रेग्मीले स्वच्छिक अवकास लियपछी १० माघमा नगर शिक्षा शाखाले औपचारिक कार्यक्रम गरि बिदाई गरेको छ।

पालुङ जेसिज हलमा सम्पन्न बिदाई कार्यक्रममा नगरपालिकाका प्रमुख प्रशासकीय अधिकृत अजित घिमिरेको अध्यक्षता तथा नगर प्रमुख बिष्णु बिष्टको प्रमुख आतिथ्यता रहेको थियो। बिदाई कार्यक्रममा थाहा नगरमा आफुले बिताएको १२ बर्षको अनुभव सुनाउदै उपसचिव रेग्मीले आफू २०५७ सालमा विद्यालय निरीक्षकको रुपमा यश क्षेत्रको पाइला टेकेको स्मरण गर्दै १२ बर्षका आफ्ना तितामिठा अनुभव सुनाएका थिय। जादाजादै रेग्मीले नगर शिक्षा शाखाका कर्मचारी तथा विद्यालयका प्रअ हरुलाइ आफ्नो धरातल र हैसियत नबिर्सन आग्रह गर्दै काम गर्दा कानुन निति नियम बाहिर गएर नगर्न आग्रह गर्दै शिक्षा जस्तो संबेदनसिल क्षेत्रमा खेलवाड नगर्न आग्रह गरे।

बिदाई समारोहमा आफ्नो धन्यवाद मन्तव्य राख्दै नगर प्रमुख बिष्टले थाहा नगरपालिकाको शैक्षिक शुद्धीकरणमा शोभाकर सरले पुर्यायको अतुलनीय योगदानको थाहा नगरले सदैव कदर गरिरहने बताउदै शैक्षिक क्षेत्रको अभिभावकको रुपमा वहाँले बनाउनुभएको शैक्षिक सुधारको खाका तथा दस्तावेज लाई नगरपालिकाले सदा पालना गरिरहने बताउदै आगामी जिवन परिवार र समाजको निम्ति लागिरहन कामना गर्नुभयो। कार्यक्रममा नगर शिक्षा समितिका सदस्यहरु,नगर शिक्षा शाखाका अधिकृत माधवबिक्रम मल्ल,थाहा नगर भित्रका सामुदायिक विद्यालयका प्रधानाध्यापक हरु,नगरपालिकाका शाखा प्रमुख हरु,कर्मचारी हरुको उपस्तिथि रहेको थियो।

रेग्मीलाई नगर प्रमुख बिष्ट र प्रमुख प्रशासकीय अधिकृत अजित घिमिरेले ढाकाको टोपी,खादा तथा मायाको चिनो सहित बिदाई गरेका थिय। धादिङ जिल्ला गंगाजमुना गाउँपालिका वडा न ७ स्थायी घर भएका रेग्मी २०५३ साल बाट स्थायी नियुक्ती भै सरकारी सेवामा कार्यरत रही २०७५ चैत ३ गतेदेखी थाहा नगरपालिकाको शिक्षा शाखा प्रमुख उपसचिव १० औं तहमा रहि आफ्नो कार्य गर्दै आइरहनुभएको थियो।पुस १ बाट स्वेच्छिक अवकास लिनुभएको रेग्मीले नगरको शिक्षा विकासमा गरेको योगदानको मुल्यांकन गरिरहने नगरभित्र रहेका सामुदायिक विद्यालयका प्रधानाध्यापक हरुको भनाइ रहेको थियो।