थाहा नगर वडा स्तरीय फुटबलमा वडा न ३,१ र १२ को बिजयी सुरुवात

थाहा नगर खेलकुद विकास समितिको आयोजना तथा ९ नम्बर वडास्तरीय खेलकुद विकास समितिको व्यवस्थापनमा १० माघ आजबाट थाहा नगरपालिका वडास्तरीय फुटबल प्रतियोगिता शुरु भएको छ।

 थाहा नगरपालिका वडा नम्वर ९ स्थित चित्लाङमा सञ्चालन भएको प्रतियोगिताको उद्घाटन बागमती प्रदेशका सामाजिक विकास मन्त्री कुमारी मोक्तानले गर्नुभयो।
थाहा नगर खेलकुद विकास समितिका संयोजक टिकाराम स्याङ्तानको सभापतित्वमा सम्पन्न उद्घाटन समारोहमा प्रमुख अतिथि सामाजिक विकास मन्त्री कुमारी मोक्तान,बिशिस्ट अतिथी निर्माण व्यावसायि महासंघका पुर्व अध्यक्ष जयराम लामिछाने तथा अतिथिहरु थाहा नगरपालिकाका प्रमुख प्रशासकिय अधिकृत कृष्ण गिरी,वडा न ९ का अध्यक्ष राजकुमार बलामी,वडा न ३ का अध्यक्ष हिरेन्द्र रायमाझी ,वडा न ७ का अध्यक्ष शिवराज थिङ,नेपाली काङ्ग्रेस थाहा नगर सभापति प्रमोदकृष्ण जोशी,खेलकुद विकास समिती सदस्य यादव रायमाझी,खेलकुद विकास सदस्य सचिब अनिल लामिछाने,लगायतका उपस्थिति रहेको थियो।
आज भएको उद्घाटन खेलमा वडा न ३ ले वडा न ६ लाई ४-१ गोल अन्तरले पराजित गर्‍यो भने दोस्रो खेलमा वडा न १ ले वडा न २ लाई २-० गोलले पराजित गर्यो तेसै गरि आजै भएको वडा न ९ र वडा न १२ बिच भएको अन्तिम खेलमा वडा न १२ ले पेनाल्टी सुट आउटमा ५-४ को नतिजा निकाल्दै विजयको सुरुवात गरेको छ।

 प्रतियोगितामा थाहा नगरपालिकामा रहेको १२ वटै वडाले सहभागिता जनाएको थाहा नगर खेलकुद विकास समितिका सदस्य यादव जंग रायमाझीले जानकारी दिए ।

माघ १३ गते सम्म सञ्चालन हुने प्रतियोगितामा प्रथम, द्वितीय हुनेले क्रमश स् नगद १ लाख र ५० हजार रुपैयाँसहित शिल्ड, मेडल र प्रमाणपत्र प्रदान गरिने रायमाझीले जानकारी दिए । प्रतियोगितामा विधागत उत्कृष्ट खेलाडीलाई आयोजकले पुरस्कारको व्यवस्था मिलाइएको छ ।

गतवर्ष भएको वडा स्तरीय प्रतियोगिताको उपाधी वडा नम्वर ९ ले जित्न सफल भएको थियो ।