थाहा नगर आधारभुत तह समिक्षा गोष्ठि सम्पन्न
शम्भु अधिकारी

थाहा नगरस्तरीय आधारभूततह २०७४ को अन्तिम परिक्षाको नतिजा विश्लेषण सम्बन्धि एक दिने समिक्षा गोष्ठी सम्पन्न भएको छ । थाहा नगर शिक्षा समितिको आयोजनामा आज पालुङ बहुउद्देश्यीय सहकारी संस्थाको सभाहलमा भएको कार्यक्रममा नगर प्रमुख लबशेर बिष्टको प्रमुख आतिथ्य रहेको थियो । कार्यक्रममा विभिन्न बिध्यालका नेपाली ,सामाजिक ,अग्रेजी, बिज्ञान ,गणितका शिक्षकहरुले थाहा नगरका विद्यार्थी कमजोर हुनुमा कारण र समस्याको समाधानको बारेमा प्रष्ट पारेका थिए । संस्थागत बिधालयको तर्फबाट सुरेन्द्र मान प्रधान, बिध्यालय ब्यवस्थापन समितिको तर्फबाट जनकल्याण माबिका अध्यक्ष राजिब स्याङ्तान ,परिक्षा समितीका अध्यक्ष किरण मान बल, वडा नम्बर अध्यक्ष बिस्णु गुरुङ ,शिक्षा समिती सदस्यहरु, शानोभाइ कार्की, शुमन कार्की, उर्मिला श्रेष्ठ, किस्ण बा बिष्ट, थाहा नगर पालिकाका विद्यालय ब्यवस्थापन समितिका अध्यक्ष, प्रधानाध्यापक तथा विषय शिक्षक लगाएतको उपस्थिति रहेको थियो । श्रोत ब्यक्ती रामकुमार ठाकुरले थाहामा ड्रप आउटको समस्या धेरै समस्या भएकोले समाधान पनि गर्नु पर्ने बताउनु भयो । श्रोत ब्यक्ति ठाकुरले अभिभावक, ब्यबस्थापन समिति र शिक्षक मिलेर गए रिजल्ट राम्रो हुने भएकोले प्राइमरी लेभल बाटै सुधार गर्नु पर्ने बताउनु भयो । प्रमुख अतिथि बिस्टले शिक्षकले आफ्नो जिम्मेवारीबाट पन्छिन नहुने, सरकार को नीति मा चल्नु पर्ने , तथा शिक्षक मुलुकको उन्नत नागरिक उत्पादन गर्ने शक्ति भएकोले शिक्षामा कुनै पनि किसिमको बहाना बन्नु नहुने र सदैब सहयोग रहने बताउनु भयो । नगर शिक्षा समिती सदस्य शशिधर सुबेदिको सभापतित्व मा भएको कार्यक्रममा जनकल्याण माबिका अध्यक्ष राजिव कुमार स्याङतानले स्वागत मन्तव्य राख्नु भएको थियो भने शिक्षा शाखा प्रमुख लक्ष्मण दाहालले कार्यक्रम संचालन गर्नु भएको थियो ।