थाहा नगरमा “थाहा” अभियानका प्रणेता रुपचन्द्र बिष्टको जन्मजयन्ती मनाईयो 
थाहा अभियान राजनितिक र सामाजिक दर्शन भएको वक्ताहरुको भनाई   

थाहा नगरपालिकाका प्रमुख लबशेर विष्टले थाहानगरपालिकाबाट सम्पादन हुने हरेका काम रुपचन्द्र विष्टको मार्ग दर्शन अनुसारनै भईरहेको र त्यही नै बिष्ट प्रतिको सम्मान भएको बताउनु भएको छ । 

रुपचन्द्र विष्टको ८६ औं जन्मजयन्ती तथा छैटौं थाहा दिवसका अवसरमा फरक सोच अभियानले थाहा नगरपालिकामा गरेको कार्यक्रममा बोल्दै नर प्रमुख विष्टले नगरपालिकाले “थाहा” लाई नाममा मात्र नभएर काममा समेत देशै भर चिनाएको बताउनु भयो । 

थाहानगरपालिका शिखरकोट स्थित विकासघर प्राङ्गडमा भएको कार्यक्रममा थाहा नगरपालिकाका उप प्रमुख खड्ग गोपालीले अहिले राजनिती गर्नेहरुले रुप चन्द्र विष्टबाट पाठ सिक्नुपर्ने बताउनु भयो । 

स्वार्थमा लिप्त भएर गुट उपगुटका नाममा राजनितिलाई बदनाम गराउनेहरुले जनमत गुमाएको बताउदै थाहा नगरपालिकामा फरक सोचले गरेका समाजिक कार्यको प्रशंसा समेत गर्नु भयो । 
नेपाल कम्यूनिष्ट पार्टी (नेकपा) का नेता विष्णु बिष्ट आदर्शले रुदानेको जिवनीको चर्चा गर्दै हिजोका दलका भुमिकालाई अहिले आरोप प्रत्यारोपमा लागेर दल र नेताले ईतिहास बिर्सन खोजेको आरोप लगाउनु भयो । 
रुपचन्द्र बिष्टका अनुयायी तथा सामाजिक अभियान्ता ज्योति रायमाझीले रुपचन्द्र बिष्ट सँग बिताएका संस्मरणहरु सुनाउदै थाहा अभियान पनि एक राजनितिक अभियान भएकाले थाहा अभियानलाई युवा पुस्तामाझ लैजान पहल र प्रयत्न गर्नु पर्ने बताउनु भयो । फरक सोच अभियानले गरेका सामाजिक कार्यले रुपचन्द्रलाई सम्मान गरेकोले खुसी व्यक्त गर्नु भयो ।

कार्यक्रममा बोल्दै रुपचन्द्र स्मारक  समितिका थाहा नगर संयोजक बिमल विष्टले रुपचन्द्र विष्टका आदर्श कार्यान्यनमा जोड दिन पर्ने बताउनु  भयो ।  विर्खे अन्जानले अतिथि हरुलाई स्वागत गर्दै शुरु भएको कार्यक्रमको सभापतित्व फरक सोच अभियानका संयोजक यादब जंग रायमाझीले गर्नु भएको गियो भने कार्यक्रम संचालन फकर सोचका अभियानता सुरज कुमार भुजेलले गर्नु भएको गियो । 

कार्यक्रममा थाहा दिवसका अवसरमा आयोजित दोस्रो उप मेयर कम व्याडमिन्टर प्रतियोगितामा प्रथम,द्धितिय र तृतिय हुने लाई पुरस्कार वितरण तथा फरक सोचको सामाजिक अभियानमा सहयोग गर्ने सहयोगीहरुलाई सम्मान गरिएको थियो ।