थाहा नगरपालिका द्वारा बजार अनुगमनलाई निरन्तरता दिदै।

मकवानपुर थाहा नगरपालिकामा बजार अनुगमन लाई आज पनि निरन्तरता दिइएको छ । चाडवाडको समयमा बजारमा हुन सक्ने अखाद्य वस्तु विक्रि तथा बजार भाउमा अनियमित हुन नदिनको लागि थाहा नगरपालिकाले बजार अनुगमन गरेको हो । 

थाहा नगरपालिका बजार अनुगमन समिति संयोजकक भरत गोपालीको नेतृत्वमा भएको बजार अनुगमन टोलीले नगरको  बज्रवाराही,फाटबजार,फेदिगाउ,पालुङ खाल्डे क्षेत्रमा अनुगमन गरिएको हो । 

अनुगमनको क्रममा पसलहरुमा मूल्यसूची टाँस नभएको, साइनबोर्ड नझुण्ड्याइएको, व्यवशाय नवीकरण बाँकी रहेको, म्याद गुज्रिएको, सामानको छुट्टै भण्डारण नगरिएको, लेबल नभएको सामान बिक्रि गरिएको पाइएको अनुगमन समितिका सदस्य उमेश श्रेष्ठले जानकारी दिए । अनुगमनका क्रममा अवस्थालाई सुधार गर्नका लागि व्यवसायीलाई म्याद दिएको उनले जानकारी दिए । बजार अनुगमनमा थाहा नगरपालिकाका प्रमुख प्रशासकीय अधिकृत कृष्ण गिरी,उपभोक्ता हित संरक्षण मञ्च मकवानपुरका सदस्य गणेशमान श्रेष्ठ, थाहानगर उद्योग वाणिज्य संघका सदस्य बलराम थापा,अनुगमन समिती सदस्य हरु अजित घिमिरे,अनिल लामिछाने पत्रकार शम्भु अधिकारी लगायत नगर प्रहरीको  उपस्थिती रहेको थियो ।

उपभोक्ता हितमा प्रत्येक्ष असर पर्ने आवस्थामा पीडत तथा उपभोक्ताहरले थाहा नगर उपभोत्तःा हित संरक्षण समितिमा उजुरी दिन सकिने प्रमुख प्रशासकिय अधिकृत कृष्ण गिरीले जानकारी दिए । त्यस्ता उजुरी परेमा छनविन गरी कार्यविधि अनुसार कारबाही गरिने उनले बताए ।