थाहा नगरपालिकाको पाँचौं नगरसभा सम्पन्न 

मनोज तितुङ,
 मकवानपुर, थाहा नगरपालिका वडा नं. ३ अवस्थित विकास घरमा १० असारमा  भएको पाँचौं नगरसभामा पेश भएको नीति तथा कार्यक्रम सभाले सर्वसम्मत पास गरेको नगर कार्यपालिकाका सदस्य सचिव तथा प्रमुख प्रशासकीय अधिकृत हरिलाल पुरीले जानकारी दिए । 

नगरसभा थाहा नगरपालिकाका नगर उपप्रमुख खड्ग गोपालीको सभाध्यक्षतामा भएको सभाले कृषि र पर्यटन तथा भौतिक पूर्वाधार विकासलाई आफ्नो निती तथा कार्यक्रममा प्राथमिकता दिएको छ । आर्थिक वर्ष २०७६र०७७ को लागि ७१ करोड ४१ लाख ७१  हजार बरारबको बजेट पनि पेश गरेको छ । विषय गत कार्यालयहरु तर्फ १८ करोड ८९ लाख,, आन्तरिक श्रोत  तर्फ ३ करोड ९५ लाख ६० हजार,, राजस्व बाडफाड तर्फ १४ करोड ८२ लाख ६ हजार, अन्य आय तर्फ १ करोड, बित्तिय समानिकरण अनुदान १४ करोड २४ लाख १० हजार र सामाजिक सुरक्षा भत्ता १० करोड रुपैयाँ  समाबेस गरिएको छ । जसमा कुल चालू तर्फ  ६ करोड ८५ लाख ६८ हजार, पुजिगत तर्फ ३५ करोड ३६ लाख ६२ हजार बिनियोजित बजेट पेश गरिएको हो । बजेट थाहानगरपालिका वडा नम्बर ६ का वडाअध्यक्ष तथा नीति तथा कार्यक्रम  संयोजक शशिधर सुवेदीले प्रस्तुत गर्नु भएको थियो ।
 

कार्यक्रममा पुर्वाधार विकास तर्फ थाहा न्यु सिटि निर्माण, चिल्ड्रेन पार्क निर्माण, आर्थिक विकास तर्फ नगरको कुनै एक गाउँलाई वातावरण अनुकुलन गाउँको रुपमा छनौट गरि कृषि कार्यक्रम गर्ने,नयाँ सडकको ट्रयाक ओपन नगर्ने, शीत भण्डार निर्माण, थाहा ६ लाई गाइ र थाहा ७,८,११ र १२ लाई बाख्रा पलनको पकेट क्षेत्रको रुपमा विकास, औद्योगिक ग्राम स्थापनाको कार्य प्रारम्भ, दामन, डाँडावास र बाराही डाँडालाई पिकनिक स्पटको रुपमा विकास, नगर प्रहरीको व्यवस्था, सहकारी सञ्जाल गठन, सहकारी रिपोर्टिङ प्रणलीलाई अन्लाइनमा विकास, वातावरण तथा विपद व्यवस्थापन तर्फ ३ वर्ष भित्र नगरलाई वातावरण मैत्री घोषणा, फोहोरबाट मोहोर कार्यक्रम,  सामाजिक विकास तर्फ कक्षा ५ र ८ को परिक्षा नगर स्तरिय गर्ने, एक विद्यालय एक नर्स कार्यक्रम, शिक्षक बैंकको व्यवस्था, प्राथमिक स्वास्थ्य केन्द्रलाई १५ सैयामा स्तर बृद्धि, ३ वर्ष भित्र नगरलाई जिरो होम डेलिभरी घोषणा, कुपोषण मुक्त वडा घोषणा, घुम्ति ग्रामिण भिडियो सेवा प्रदान, ३ वर्ष भित्रमा नगरका सवै ठाउँमा स्वच्छ पिउने पानीको व्यवस्था, अनिवार्य व्यवसाय सञ्चालन गर्ने गरी तालिम, १ वर्ष भित्र निकृष्ट बालश्रम मुक्त नगर घोषणा तथा २ वर्ष भित्र बाल विवाह मुक्त नगर घोषणा, र संस्थागत विकास तर्फ वडा र नगरपालिका कार्यालयमा वडापत्र राख्ने,  वडाका पदाधिकारीहरुको अनिवार्य कार्य विभाजन  लगाएतको योजना प्रस्तुत गरेका थियो ।