थाहा नगरका २० जनालाई डकर्मी सम्बन्धी तालिम शुरु

सामुदायिक विकास केन्द्र नेपाल सिसिडिएनको आयोजनामा थाहा नगरका २० जनाको सहभागितामा डकर्मी सम्बन्धी तालिम आजदेखि शुरु भएको  छ ।
संस्थाले डिएफआइडी युके एडको आर्थिक सहयोग, प्राक्टिकल एक्शनको अगुवाइ र कर्डको प्राविधिक सहयोगमा सञ्चालित कोही पनि नछुटुन परियोजना अन्तर्गत डकर्मीहरुलाई तालिम शुरु गरिएको हो ।

२५ दिनसम्म सञ्चालन हुने तालिममा हिजो र आज सैद्धान्तिक कक्षा संचालन हुने र भोलिबाट भूकम्पपीडितको घर निर्माणमै सहभागी भएर तालिम संचालन हुने आयोजक सिसिडिएनका कार्यक्रम संयोजक सुमिरन कोइरालाले बताउनु भयो ।

तालिम सँगै र तालिम पछि तालिमप्राप्त डकर्मीहरुले भूकम्प पीडितहरुको घर निर्माणमा काम गर्नेछन् । सिसिडिएनले थाहा नगरपालिका र कैलाश गाउँपालिकाका ७ सय भूकम्पपीडितहरुको घ। निर्माणमा सहयोग गर्दैछ । सरकारले दिएको रकमबाटै वातावरणमैत्री, लागत मूल्य प्रभावकारी र भूकम्पप्रतिरोधी तरिकाले सिएसइवी इन्टरलक इटाको प्रयोग गरेर घर बनाउन सिकाइको प्रशिक्षक दिपक हमालले बताउनु भयो ।

सिसिडिएनका महेन्द्र मगर, इजि व्रिकका दिपक हमाल, गोपाल भट्टराई, परियोजनाका इन्जिनियर क्रिस्टोफर थापा लगायतले तालिम दिइरहनुभएको छ ।