थाहामा सचिन श्रेष्ठ स्मृती छात्रवृती विवरण

भातृत्व, सामाजीक उत्तरदायित्व र सहकार्यको मुलनारा सहित २०७३ सालमा स्थापना भएको पालुङ युवा समाज, थाहा नगरपालिका २, मकवनपुरको आयोजनामा रोजगारीको सिलसिलामा कोरीयामा तिन वर्ष पहिले मृत्यु भएका थाहा नगरपालिका २, पालुङका सचिन श्रेष्ठको स्मृतिमा स्थापना भएको स्व. सचिन श्रेष्ठ स्मृति छात्रबृत्ति कोष छात्रबृत्ति एक कार्यक्रमका विच वितरण गरिएको छ । स्थानिय विद्यालयहरु श्री जनकल्यान मा.वि., मत्सनारायण मा।वि। तथा सरस्वति आधारभुत विद्यालयका आर्थिक रुपले विपन्न तथा जेहेन्दार २÷२ जना छात्र–छात्रालाई वितरण गरिएको छात्रवृत्ति ति विद्यालयहरु कै सिफारिसमा जनकल्याण मा.वि.का संगिता श्रेष्ठ तथा सविना के. सी. मत्यनारायण मा वि. का रुदेश कार्की तथा पबित्रा तोलाङगे र सरस्वति आधारभुत विद्यालयका शिशिर खड्का तथा मुस्कान पुजारी लाई प्रदान गरिएको हो । छात्रवृत्ति वापत शैक्षिक सामाग्री तथा पोशाक एक जोर सहित प्रति विद्यार्थी ३५ सय वरावरको सहयोग प्रदान गरिएको युवा समाजका संजित श्रेष्ठले वताउनुभयो । थाहा नगरपाकिला वडा नं. २ को कार्यारलयको सभाहलमा सम्पन्न कार्यक्रम साविक पालुङ गा. वि. स. का पूर्व अध्यक्ष तथा समाज सेवी श्याम भक्त श्रेष्ठको प्रमुख आतिथ्य तथा समाजका अध्यक्ष विजय विक्रम श्रेष्ठको सभापतित्वमा भएको थियो । कार्यक्रममा स्थानिय समाज सेवी राजु नापित, स्व. सचिन श्रेष्ठ स्मृति छात्रबृति कोषका संरक्षक तथा स्व। सचिन श्रेष्ठका पिता सम्पूर्ण श्रेष्ठ, मत्यनारायण माविका शिक्षक दिपेन्द्रराज प्रधान, सरस्वति आधारभुत विद्यालयका शिक्षिका सन्तोषि वस्नेत लगायतको आतिथ्यता रहेको थियो । समाजका सचिव रोजन श्रेष्ठको स्वागत मन्तव्य सहित शुरुभएको कार्यक्रममा अतिथिहरु राजु नापित, दिपेन्द्रराज प्रधान, स्व। सचिन श्रेष्ठ स्मृति छात्रबृति कोषका संरक्षक तथा स्व। सचिन श्रेष्ठका पिता सम्पूर्ण श्रेष्ठ लगायतले शुभकामना मन्तव्य राख्नु भएको थियो । कार्यक्रमा पालुङ युवा समाजका कोषाध्यक्ष विजयमान श्रेष्ठले कोषको यथार्त हिसाव विवरण प्रस्तुत गर्नुभयो । कार्यक्रममा वोल्दै प्रमुख अतिथि श्रेष्ठले स्वर्गिय सचिन श्रेष्ठको स्मृतिमा छात्रबृत्ति कोषको स्थापना गरी आर्थिक रुपले विपन्न तथा जेहेन्दार विद्यार्थिहरुलाई छात्रबृत्ति दिने जस्तो असल कार्य भएको भन्दै समाजका सवैले यस प्रकारको कार्य गर्नुपर्ने विचार व्यक्त गर्नु भयो । कार्यक्रमका वोल्दै कार्यक्रमका सभापति तथा समाजका अध्यक्ष विजय विक्रम श्रेष्ठले भातृत्व, सामाजीक उत्तरदायित्व र सहकार्यको मुल नारा अनुरुपनै यस कार्यक्रम आयोजाना गरिएको वताउँदै गत वर्ष भन्दा यस वर्ष छात्रबृत्ति वितरणको कार्यक्रमलाई बिस्तार गरि वडा स्तरिय वनाइएको र आगामि दिनमा अझै यसलाई विस्तार गदै लैजाने धारण राख्नु भयो । कार्यक्रम युवा समाजका संजित श्रेष्ठले संचालन गर्नुभएको थियो ।