थाहामा फोर जी सेवा बिस्तार गर्न नेकपा माओबादी केन्द्र थाहा नगरद्वारा ध्यानाकर्षण

नेपाल टेलिकम र एनसेलसंगको सहकार्यमा थाहा नगरका सबै वडामा प्रभाबकारी ढंगले फोर जी (4G) सेवा बिस्तार गर्न नेकपा माओबादी केन्द्र थाहा नगर कमिटिले थाहा नगरपालिकालाई सुझाब  मार्फत ध्यानाकर्षण गराएकाे छ ।

माओबादी केन्द्रका अध्यक्ष अरुण रायमाझीले थाहानगरपालिकाका प्रमुख लबशेर बिष्टमार्फत दिईएको सुझब पत्रमा १० शीर्षक ४८ बुँदा रहेको छ । ऐले कोरोनाभाइरसको कारण सबै काम अन्लाईन बाटै गर्नपर्ने भएकोले सबै वडामा ईन्टरनेटको सुबिधा आवश्यक भएको रायमाझीले बताउनुभयो । खासगरी विद्यार्थीहरुको अन्लाईन कक्षाको लागि ईन्टरनेट आवश्यक भएको र हालको नेटवर्क प्रभावकारी नभएकोले सबैवडामा फोर जी (4G) सेवा नै बिस्तार गर्न पर्ने माओवादी केन्द्र मकवानपुर जिल्ला कमिटि सदस्य बिनोद कुमार लामाले बताउनु भयो ।

साथै जनकल्याण माबि पालुङका बिद्यालय ब्यवस्थापन समिति अध्यक्ष राजिबकुमार स्याङतान भन्नुहुन्छ -'भौतिक रुपमा कक्षामा उपस्थित भई पठन पाठनको काम हुन कोरोनाले दिदैन अनलाईन कक्षा संचालन गर्न नेट चाहिन्छ । नेट प्रभाकारी नहुँदा सिकाई प्रभाकारी हुदैन ।' थाहा नगरपालिकाले आगामि असार १० गते प्रस्तुत गर्ने आगामि बर्षको नीति तथा कार्यक्रमका लागि थागानगरमा क्रियाशिल राजनैतिक दल र संघ संस्थासंग सुझाव माग गरेको थियो ।