थाहानगरको कक्षा–८ को नतीजा प्रकाशित, ३८ जनाकाे नतीजा ३.६ जिपिएमाथि

थाहा नगरपालिका नगर परीक्षा समितिले २०७६ सालमा लिएको कक्षा ८ को थाहा नगरस्तरीय परीक्षाको नतीजा आज सोमबार प्रकाशित गरेको छ ।

सोमबार परीक्षा समितिको बैठक बसेर नगरस्तरीय परीक्षाको नतीजा प्रकाशन गरेको  परीक्षा समितिका सदस्य सानोभाइ कार्कीले बताए । ग्रेड प्रणालीअन्तर्गत प्रकाशित नतीजा अनुसार ६९८ परीक्षार्थीको नतीजा प्रकाशित गरिएको हो । नतीजा अनुसार ३८ जनाले ३.६ जिपीएभन्दा माथि अंक प्राप्त गरी उत्तीर्ण भएका छन् भने सबैभन्दा धेरै २५४ जना २ जिपीए माथि रहेका छन् । 

नतीजा अनुसार ८१ जनाले ३.२ माथि, ९३ जनाले २.८ माथि र १७० जनाले २.४ जिपीएमाथि अंक प्राप्त गरेका छन् । १.६ माथि जिपीए प्राप्त गर्नेहरु ४८ जना र त्योभन्दा पनि कम जिपीएमा पर्ने परीक्षार्थीहरु १४ जना रहेका छन् । 

नगर परीक्षा समितिले २०७६ सालको कक्षा ८ को परीक्षा गत फागुन २७ देखि चैत ५ गतेसम्म संचालन गरेको थियो । कुनै परीक्षार्थीले आफ्नो नतीजा पुनर्योग गर्न चाहेमा नगरपालिकाको राजश्व  शाखामा एक सय रुपियाँ बुझाएको भौचरसहित शिक्षा शाखामा निवेदन दिन सक्ने नगर शिक्षा अधिकारी शोभाकर रेग्मीले बताए ।

हेर्नुहाेस् नतीजा