थाहानगरका कृषि व्यावसायि प्रधान नेपाल उद्योग वाणिज्य महासंघ बागमती प्रदेश कृषि विकास समितिमा

नेपाल उद्योग वाणिज्य महासंघ बागमती प्रदेशको कृषि विकास समितिको सदस्यमा मकवानपुर थाहानगरका निरोज प्रधान सदस्यमा मनोनित भएका छन् । नेपाल उद्योग वाणिज्य महासंघ अन्तर्गत प्रदेश उद्योग वाणिज्य महासंघको गठन तथा संचालन सम्बन्धी नियमावली, २०७३ बमोजिम प्रधानलाई सदस्यमा मनोनित गरेको बागमती प्रदेश अध्यक्ष दिल सुन्दर श्रेष्ठले जानकारी दिए ।

समितिको सभापतिमा भने नेपाल उद्योग वाणिज्य महासंघ बागमतीका कार्यकारिणी सदस्य कृष्ण भक्त श्रेष्ठ रहेका छन् । महासंघको १६ वैशाखमा सम्पन्न बैठकले समितिको सदस्यहरु मनोनित गरेको हो । प्रधान थाहानगर उद्योग वाणिज्य संघको प्रतिनीधित्व गर्दै सदस्यमा मनोनित भएका हुन् । समितिको सदस्यहरुमा धादिङ उद्योग वाणिज्य संघबाट उमेश स्वाली क्षेत्री, पाँचखाल उद्योग वाणिज्य संघका पिताम्बर पौडेल, धुलिखेल उद्योग वाणिज्य संघका संजय तामाङ, कीर्तिपुर उद्योग वाणिज्य संघका शर्मिला अधिकारी, नुवाकोट उद्योग वाणिज्य संघका मंगलसिंह तामाङ र आमन्त्रित सदस्यमा ललितपुर उद्योग वाणिज्य संघका मुकुन्द महर्जन मनोनित भएका छन् ।
थाहानगरको पालुङ जेसीज भवनमा ३२ साउनमा भएको बागमती प्रदेशस्तरीय विषयगत समिति परिचयात्मक कार्यक्रमको अवसरमा मनोनित सबैलाई शुभकामनासहित प्रमाणपत्र वितरण गरिएको थियो । कार्यक्रममा महासंघ बागमती प्रदेशका पदाअधिकारी तथा विषयगत समितिका सदस्यहरुको उपस्थिती रहेको थियो । नेपाल उद्योग वाणिज्य महासंघ बागमती प्रदेश अन्तर्गत १ दर्जन बढि विषयगत समितिहरु गठन भएका छन्