समाचार

थाक्रेको दामेचौरमा रहेको जनभोजनले मनायो १४ औं वार्षिकोत्सव।

थाहा नगर उपप्रमुख भरत गोपाली शुभकामना मन्तव्य राख्नुहुदै साथमा थाहा नगरका प्रमुख प्रशासकीय अधिकृत अजीत घिमिरे र सामाजिक विकास शाखा प्रमुख अनिल लामिछाने

थाहा नगरपालिकाको सिमानामा रहेको धादिङको थाक्रे गाउँपालिका वडा नम्बर ५ तसर्पू दामेचौरमा रहेको प्रेम सागर फाउन्डेशन नेपालद्धारा सञ्चालीत जनभोजन कार्यक्रमले आफ्रनो १४औं वार्षिकत्सव मनाएको छ ।
२०६५ साल चैत्र १४ गतेबाट सञ्चालन भएको जनभोजन कार्यक्रमले आज मंगलबार एक कार्यक्रमका विच वार्षिकत्सव मनाएको छ । स्थापना कालबाट दैनिक रुपमा ५ सय जना भन्दा बढि विद्यार्थी तथा बृद्ध आमाबुवाहरुलाई खाना खुवाउदै आएको जनभोजन कार्यक्रमले केही वर्ष अगाडीबाट धादिङको थाक्रे गाउँपालिका वडा नम्बर ४,५ र मकवानपुरको थाहा नगरपालिका वडा नम्बर ११, १२ का ९ वटा विद्यालयमा दैनिक २ हजार भन्दा बढि विद्यार्थीहरुलाई दिवा खाजा खुवाउँदै आएको जनभोजन कार्यक्रमका व्यवस्थापक भोला राउतले बताए ।
जनभोज कार्यक्रममा वार्षिक रुपमा १ करोड १८ लाख भन्दा बढि खर्च भएको संस्थाका उपाध्यक्ष प्रेमराज ढुङगेलले बताए। उहाँका अनुसार विभिन्न सहयोगी दाताहरुबाट प्राप्त र अन्य संस्था सहयोग रुपमा दिएको रु.७९ लाख आम्दानी भएको भनाई छ । अहिले दैनिक रुपमा ४० हजार खर्च हुने गरेको संस्थाको भनाई छ ।
वार्षिकत्सव कार्यक्रममा बोल्नु हुँदै थाहा नगरपालिकाका उमप्रमुख भरत गोपालीले जनभोजन कार्यक्रमको उच्च प्रशंसा गर्दै नगरले पनि जनभोजन कार्यक्रमलाई केही सहयोग गर्ने बताउनु भएको छ । उहाँले सहकार्य गरेर अगाडी बढ्न समेत संस्थालाई आग्रह गरेका छन्।

त्यसै गरी कार्यक्रममा बोल्नु हुँदै थाक्रे गाउँपालिकाका अध्यक्ष राम कुमार आचार्यले जनभोजन कार्यक्रमले विद्यालय र विद्यार्थीमा आएको परिवर्तनको उच्च प्रशंसा गर्दै विगतका वर्षहरुमा पालिकाबाट दिदै आएको आर्थिक सहयोगलाई बुद्धि गर्ने बताउनु भएको छ । उहाँले यस किसिमको कार्यक्रम पालिका भित्रका अन्य क्षेत्रमा समेत विस्तार गर्नु पर्ने बताएका छन्।

नागरिकपाटी बाट। फोटो:- थाहापाटी