तासिरमा अभिभावक र विद्यार्थी लाइ सकरात्मक चिन्तन  कार्यक्रम 

हेटौंडा उपमहानगर वडा नम्बर  ७ नागस्वति अवस्थित तासिर माध्यमिक विद्यालयमा Art of Parenting  अन्तर्गत एक दिने positive vibration अर्थात  सकारात्मक चिन्तन कार्यक्रम सम्पन्न भएको छ । 

कार्यक्रमका मुख्य प्रशिक्षक प्रितम पौडेलले गरेको थियो । कार्यक्रममा  प्रशिक्षक पौडेलले अभिभावकहरुलाई आफ्नो छोराछोरी प्रति कसरी अभिभावकत्व पूरा गर्ने उनिहरुमा कसरी सकारात्मक सोचको विकास गराउने भन्ने जस्ता कुराहरु सिकाउनुको साथै विद्यार्थीहरुलाई आ(आफ्नो पढाइ प्रति कसरी रुचि अभिवृद्धि गर्ने र के कस्ता कुुरा बाट टाढा रहनु पर्छ भनी प्रशिक्षण दिनु भएको थियोे ।     

  कार्यक्रम तीन सत्रमा विभाजन गरि संचालन भएको थियोे । पहिलो सत्रमा कक्षा नर्सरी देखि तीन सम्मका अभिभावक ,दोस्रो सत्रमा कक्षा चार देखि दस सम्म का अभिभावक र तेस्रो सत्रमा कक्षा आठ ,नौ र दस का विद्यार्थीहरुलाई करिव ५ घण्टा सम्म संचालन गरेको थियो । कार्यक्रममा ५०० भन्दा बढि अभिभावकहरुको उपस्थिति रहेको थियो । साथै प्रितम पौडेलले कक्षा आठ,नौ र दसका विद्यार्थीहरुलाई  समेत सकारात्मक उत्प्रेरणा प्रदान गरेको थियो  । 
                     
विद्यालयको प्रमुख व्यवस्थापक  मैया थापाले यो कार्यक्रम पश्चात सम्पूर्ण  अभिभावक र विद्यार्थीहरु खुशी हुनुको साथै सकरात्मक सोचको विकास भएको बताउदैै अभिभावक लक्षित कार्यक्रमलाई पनि निरन्तरता दिने बताए । विद्यालयका प्रधानाध्यापक  हरिवोल ढकालको अध्यक्षतामा भएको कार्यक्रममा विधालयका संयोजक अमृत प्रसाद ढकालल संयोजकत्वमा कार्यक्रम सम्पन्न गरेका थिए ।