जनमुखी योजना निर्माण गर्न डिभिजन बन थाहा नगरमा।

डिभिजब बन कार्यालय मकवानपुरको दुइ दिवसीय योजना तर्जुमा गोष्टि शुन्दर पर्यटकीय नगर थाहा नगरमा फागुन २१ र २२ गते सम्पन्न भएको छ।
थाहा नगरको पर्यटन प्रबर्द्धन लाई पनि सहयोग पुग्ने ,कार्यालयको आन्तरिक स्थान अबलोकन र नयाँ स्थानको भूगोल रहनसहनको पनि अनुभव हुने उद्देश्यले कार्यालय परिसर भन्दा बाहिर कार्यक्रम आयोजना गरिएको डिभिजन प्रमुख बिष्णु प्रसाद आचार्यले बताउनुभयो।आचार्यका अनुसार योजना निर्माण गर्दा सोच्दा खुल्ला आकास हेरेर निर्माण गर्ने अभिप्रायका साथ पहिलो दिनको स्टाफ मिटिङ दामनको भ्यु टावरमा राखियको थियो,मिटिङ पश्चात् कर्मचारीहरु लाई दामन बाट जङ्गल पदयात्रा गराउदै अबलोकन गरायको थियो भने दोस्रो दिन मकवानपुरका ८ वटा सबडिभिजन प्रमुखहरु बाट अन्तर्कृया गराइ सुझाव संकलन गरियको थियो।
आफ्नो योजनाको अन्तिम रुपदिन र जनमुखी कार्यक्रम र नीति बनाउने सोचका साथ जनमुखी राजनितिका धरोहर रुपचन्द्र बिष्टलाई साक्षी राखी बिकास घरमा नगर प्रमुख लबशेर बिष्टको आतिथ्य मा कार्यक्रम समापन गरियको थियो।
डिभिजन बनले थाहा नगरको ऋषेश्वर सामुदायिक बनमा लौठ सल्लाको प्राकृतिक पुनर्उत्पादन ,कोतथुम्की सामुदायिक बनमा पर्यटकीय सम्भावना ,चित्लाङको २ वटा सामुदायिक बनमा लौठ सल्लाको अबस्थाको योजना अगाडि सार्दै थाहा नगरलाइ बन टुरिजमको अबधारणा अगाडि सारेको छ।साथै डिभिजन बन कार्यालयले जिल्ला आपूर्ति सङ समन्वय गरेर थाहा नगर र आसपासका पालिका इन्द्रसरोबरलाइ समेत ध्यानमा राखेर अबको केही महिना भित्रै सालको चिरान काठ बिक्री बितरण गर्न डिपो संचालन गर्ने प्रमुख बिष्णु प्रसाद आचार्यले थाहापाटी लाई बताउनुभयो ।
कार्यक्रममा सहायक बन अधिकृत बच्चुराम सुवेदी ,पालुङ सवडिभिजन कार्यालयका अधिकृत कृष्ण शर्मा,फरेस्टर पर्शुराम देवकोटा लगायत डिभिजन बन कार्यालयका कर्मचारीहरुको उपस्थिती रहेको थियो।