जनभोजन कार्यक्रम जस्ले थाक्रे र थाहाका दुई हजार बढी विद्यार्थीलाई दिवा खाजा उपलब्ध गराइरहेको छ।

तसर्पू,धादिङ । धादिङको थाक्रे गाउँपालिका वडा नम्बर ५ तसर्पू, दामेचौरमा रहेको प्रेम सागर फाउन्डेशन नेपालद्धारा सञ्चालीत जनभोजन कार्यक्रमले आफ्नो १५औं वार्षिकत्सव मनाएको छ ।

वि.स २०६५ साल चैत्र २८ गतेबाट सञ्चालन भएको जनभोजन कार्यक्रमले आज मंगलबार एक कार्यक्रमका विच वार्षिकत्सव मनाएको छ । स्थापना कालबाट दैनिक रुपमा ५ सय जना भन्दा बढि विद्यार्थी तथा बृद्ध आमाबुवाहरुलाई खाना खुवाउर्दै आएको जनभोजन कार्यक्रमले केही वर्ष अगाडीबाट धादिङको थाक्रे गाउँपालिका वडा नम्बर ४,५ र मकवानपुरको थाहा नगरपालिका वडा नम्बर ११, १२ का १० वटा विद्यालयमा दैनिक २ हजार २ सय भन्दा बढि विद्यार्थीहरुलाई दिवा खाजा खुवाउँदै आएको जनभोजन कार्यक्रमका व्यवस्थापक भोला राउतले बताए ।

कार्यक्रमका वीचमा संस्थाले जेष्ठ नागरिक र गत वर्षको एसईई परिक्षामा उत्कृष्ट नतिजा ल्याउने विद्यार्थीलाई नगद सहित सम्मान पत्र वितरण गरिएको छ ।  

जनभोज कार्यक्रममा वार्षिक रुपमा १ करोड ३६ लाख भन्दा बढि खर्च भएको संस्थाका उपाध्यक्ष प्रेमराज ढुङगेलले बताए। उहाँका अनुसार विभिन्न सहयोगी दाताहरुबाट प्राप्त र अन्य संस्थाहरुबाट सहयोग रुपमा दिएको रु.९९ लाख आम्दानी भएको भनाई छ । अहिले दैनिक रुपमा ४० हजार खर्च हुने गरेको संस्था उपाध्यक्ष ढुङगेलको भनाई छ ।
वार्षिकत्सव कार्यक्रममा बोल्नु हुँदै थाक्रेका उपाध्यक्ष यन्त्र बहादुर थापाले जनभोजन कार्यक्रमको उच्च प्रशंसा गर्दै पालिकाले पनि जनभोजन कार्यक्रमलाई आर्थिक सहयोग थप गर्ने बताउनु भएको छ । 

त्यसै गरी कार्यक्रममा बोल्नु हुँदै थाक्रे गाउँपालिकाका अध्यक्ष राम कुमार आचार्यले जनभोजन कार्यक्रमले विद्यालय र विद्यार्थीमा आएको परिवर्तनको उच्च प्रशंसा गर्दै विगतका वर्षहरुमा पालिकाबाट दिदै आएको आर्थिक सहयोगलाई बुद्धि गरि ५ लाख पु¥याउने बताउनु भएको छ । उहाँले यस किसिमको कार्यक्रम पालिका भित्रका अन्य क्षेत्रमा समेत विस्तार गर्नु पर्ने बताएका छन्। रेडियो राजमार्ग