छोराको जन्मदिनमा विद्यार्थीलाई ट्य्राक सुट उपहार ।

भिमफेदी गाउँपालिका ९ स्थित लेकाली बसिफाटका विद्यार्थीहरुलाई एक दम्पतीले आफ्नो छोराको जन्मदिनको अवसर पारेर विद्यालयमा अध्यनरत ६० जना साना विद्यार्थी हरुलाई न्यानो कपडा ट्र्याक सुट वितरण गरेका छन।
काठमाडौं किर्तिपुर स्थायी घर भएका समाजसेवी हरिकृष्ण बस्नेत र वहाँको धर्मपत्नी रमा बस्नेतले आफ्नो छोरा संजय बस्नेतको जन्मदिनको अवसर पारेर विद्यालयको लोगो र नाम सहितको ट्र्याकसुट बितरण गरेको विद्यालयका प्रधानाध्यापक एल एल मण्डलले जानकारी दिनुभयो।
बस्नेत दम्पतीले विद्यार्थी हरुलाइ सहयोग गर्न पाउँदा खुशी महसुस भएको बताउदै आगामी दिनमा पनि निरन्तर सहयोग गरिरहने प्रतिबद्धता व्यक्त गरेका छन।
जन्मदिन वा विभिन्न बहानामा पार्टी प्यालेस गएर पैसा उडाउने चलनले प्रसय पाइरहेको अवस्थामा सामुदायिक विद्यालयमा अध्ययन गर्ने विद्यार्थीलाई यस्ता सहयोगले सकारात्मक प्रभाव पार्ने प्रअ मण्डलको बिश्वास छ।
थाहा नगरपालिका र भिमफेदी गाउँपालिकाका तामाङ समुदायको विद्यार्थी हरु अध्ययन गर्ने विद्यालयमा अध्यनरत साना विद्यार्थी लाई न्यानो कपडा सहयोग गरेकोमा विद्यालय व्यवस्थापन समितिका अध्यक्ष विनोद कुमार लामाले बस्नेत दम्पती लाई धन्यवाद व्यक्त गर्दै विद्यालय लाई आवश्यक पर्ने शैक्षिक सहयोगको निरन्तरता दिन आग्रह गर्दै बस्नेत दम्पतीका सुपुत्र लाई जन्मदिनको शुभकामना व्यक्त गर्नुभयो।