कुण्डलदेवीकाे १७ औं साधारण सभा सम्पन्न

थाहा नगरपालिकाको शिखरकोट स्थित श्री कुण्डल देवी बहुउद्देश्यीय सहकारी संस्थाको १७ औं वार्षिक साधारण सभा शनिबार सम्पन्न भएको छ । 

सभामामा प्रमुख अतिथि थाहानगरपालिका वडा नं. ४ का अध्यक्ष राजेश के. सी. ले समुदायमा रहेका आर्थीक श्रोतको पहिचान गरि सदस्यहरुको जिवनमा सुधार ल्याउन सहकार्यमा आधारित कार्यक्रम ल्याउन अनुरोध गर्नु भयो । साथै प्रमुख अतिथि के.सी.ले  सहकारी यस थाहा नगरपालिकामा आफ्नो सेवा बिस्तार गर्दै उन्नती तर्फ अगाडी बढीरहेकोले अझै सफलहोस् भनि शुभकामना  मन्तव्य राख्नु भएको थियो ।

साधारण सभामा अध्यक्ष शिवकुमार खत्रीले प्रगति प्रतिवेदन, निति तथा कार्यक्रम प्रस्तुत गर्नु भएको थियो । संस्थाले आगामि दिनमा कृषि तथा पर्यटनको क्षेत्रलाई जोड दिनुका साथै साना व्यबसायीहरुलाई सहुलियत व्याज दरमा मा कर्जा लगानि गर्ने निति लिएको जानकारी गराईएको थियो  । आगामि दिनमा समूह निर्माण गरि सामुहिक जमानीमा कर्जा लगानी गर्नुका साथै शेयर सदस्यलाई सेवा सुविधा दिने लक्ष्य राखेको छ ।

साधारण सभामा संंस्थाको शेयर पु“जी ३० लाख ४३ हजारलाई २५ प्रतिशतका दरले बृद्घि गर्ने बताएको छ । १ करोड ३० लाख ४२ हजार ६३ रुपैंया कारोवार गरिरहेको संस्थाले आर्थिक वर्ष २०७३÷०७४ मा ६ लाख १७ हजार २ सय ३१ रुपैंया ७५ पैसा नाफा गर्न सफल भएको छ । 
सहकारी संस्थाले १७ औं वार्षिक साधारण सभाको सहकारी मा १५ वर्षसम्म कार्य गरेकी राममाया के.सीलाई नगद तथा प्रमाण–पत्रले सम्मान गरेको छ । 
संस्थाका अध्यक्ष शिबकुमार खत्रीको  सभाध्यक्षतामा थाहा नगरपालिकाको रमणिय स्थान दामनमा सम्पन्न भएको कार्यक्रममा जिल्ला बचत संघका संचालक विलम कुमार ढकाल, पाथिभरा बचत तथा ऋण सहकारी संस्थाका उपाध्यक्ष गोकर्ण बरुवाल, हरियाली कृषि सहकारी संस्थाका अध्यक्ष माधव कार्की लगायत विभिन्न स्थानिय राजनितिकदलका प्रतिनिधि, संघ÷संस्थाका प्रतिनिधि लगायतको उपस्थिति रहेको थियो ।