हेटौँडाको तासिर स्कुलमा प्रविधिको प्रयोग बारे प्रशिक्षण, विभिन्न देशका विद्यार्थी र शिक्षकसँग अन्तरक्रिया

 हेटौँडा उपमहानगरपालिका वडा नम्बर ७ मा  ‘शिक्षण सिकाईमा प्रविधिको प्रयोग’ सम्बन्धी एक दिने गरी प्रशिक्षण कार्यक्रम सम्पन्न भएको छ । नागस्वतिमा अवस्थित तासिर अङ्ग्रेजी माध्यमिक विद्यालयमा प्रविधिको प्रयोग गरी शिक्षण सिकाई क्रियाकलापालाई कसरी रुचिकर बनाउने, कसरी विद्यार्थी केन्द्रित आधूनिक बनाउने भन्ने विषयमा १६जेठमा  प्रशिक्षण कार्यक्रममा सम्पन्न भएका हा ।   
उक्त विद्यालयका प्रधानाध्यापक हरिबोल ढकालको अध्यक्षतामा भएको कार्यक्रममा प्रशिक्षक विवश थापाले मावि निमावि र प्रावि तहका शिक्षकलाई तालिम दिएका थिए ।  विद्यालयको कक्षा १० का ३५ जना विधार्थी र भियतनामको Yen Mo B high school, Yen Mo district, Ninh Binh province का ३५ जना विधार्थी्बिच अन्तरक्रिया गराएका थिए । उनीहरुले ‘मिस्टरी स्काईप सेसनको खेल खेली एकअर्काको देश पत्ता लगाएका थिए । उक्त खेलमा तासिरका विद्यार्थीहरु विजयी भएका थिए । भियतनामको तर्फबाट शिक्षक हान्ना फेमले सहजीकरण गरेका थिए । त्यस्तै रसियन शिक्षिका Elena Degtyarva  ले पनि कक्षा १० का विद्यार्थीहरुलाई रसियाको परम्परागत पहिरनमै संस्कृतिको बारेमा , विद्यालय पोशाक र हावापानीको वारेमा अनलाईन क्लास दिएका थिए ।

प्रशिक्षक थापाले शिक्षकहरुलाई fipgrid , kahoot session को बारेमा बंगलादेशकी शिक्षिका र रसियन शिक्षक Anna Tmachuuk  सँग जुम एपको माध्यमबाट कसरी अहिलेको आधूनिक यूगमा विकसित मुलुकमा शिक्षण सिकाई क्रियाकलाप भईरहेको छ, कसरी गूणस्तरीय , विद्यार्थीमैत्री बनाउन सकिन्छ भन्ने बारेमा मावि, निमावि र प्रावि तहका १५ जना शिक्षकहरुलाई प्रशिक्षण दिएका थिए ।
कार्यक्रममा थापाले पेशागत विकास कसरी गर्ने र महत्वपूर्ण वेबसाईटहरुका बारेमा पावर प्वाईन्ट प्रिजेन्टेसन कक्षा समेत दिएका थिए । कार्यक्रमलाई विद्यालयका शिक्षक सरल गौतमले व्यवस्थापन गरेका थिए भने सञ्चालन अङ्ग्रेजी विषय शिक्षिका दिपा महतले गरेकी थिईन् ।