सुनौला माबिमा छ्वाली आर्ट प्रदर्शनी

गहुँबाली भित्र्याएपछि गाईबस्तुका लागि जोहो गरी राखिने छ्वालीबाट कलाकार प्रकाश मिजारले विभिन्न कलाकृति बनाएका छन् । तिनै कला लाई मिजारले थाहा नगरपालिका वडा न १ कुन्छालमा रहेको सुनौला माध्यमिक विद्यालयको भित्ताहरूमा उनले धर्म, प्रकृति, समाज र आममानिसको दैनिकी झल्काउने छ्वाली कलाकृति प्रदर्शन गरेका छन।
कलाकार लिलाधर केसी र प्रकाश मिजारले २६ भदौमा सुनौलाका विद्यार्थी हरुलाइ आफ्नो कला देखाएका हुन।

आफ्नै घर वरपर खेतबारीमा पाइने छ्वालीबाट दुई दशकदेखि मिजारले कलाकृति सिर्जना गर्दै आइरहेका छन् । कला सिर्जनाको सुरुवाती चरणमा औपचारिक रूपमा उनले रङ र कुची चलाएका थिए । केही नौलो सिर्जना गर्ने हुटहुटीले छ्वाली कलातिर आकर्षित भएको उनले सुनाए । ‘सानैदेखि चित्र कोर्थें, पछि ललितकलामा क्यानभासमा नै सिर्जना गर्न थालें,’ उनले भने, ‘२०५७ सालतिर इन्टरनेसनल एक्स्पो कला प्रदर्शनीमा छ्वाली आर्ट देखेर निकै प्रभावित भएँ ।’
कला प्यासन हुनेका लागि छ्वालीले सिर्जनात्मक काममा धेरै सघाउ पुर्‍याउन सक्छ ।’ छ्वाली, कागज, सामान्य कपडा र टाँस्ने गमको सहायताले पनि उत्कृष्ट कलाकृतिहरू बनाउन सकिने उनले सुनाए ।
कलाकार हरुलाइ थाहा नगर सम्म ल्याउन भुमिका खेलेका थाहा नगरका उत्कृष्ट आर्टिस्ट तथा सुनौलाका अध्यक्ष समेत रहेका प्रमोद गोपालीले शिक्षाको अलवा विद्यार्थी लाई कला र सिर्जना पनि जीवनको महत्वपुर्ण कुरा हो भन्ने भावनाको उत्प्रेरणा जगाउने उदेश्यले सुनौला मा वि मा कलाकार लिलाधर के सी र कलाकार प्रकाश मिजारलाई लेराएको बताउनुभयो।
प्रदर्शनी अगाडि विद्यार्थी हरुलाई चित्रकला सम्बन्धि ज्ञान पनि दिइएको थियो।