समृद्ध थाहा, संगठित नेपाली कांग्रेसको परिकल्पना नै मेरो मुख्य लक्ष्य हो

भर्खरै सम्पन्न नेपाली कांग्रेसको १४औं महाधिवेशनबाट थाहा नगरको सभापतिमा निर्वाचित हुनु भएका प्रमोद कृष्ण जोशी  २०४६ सालको आन्दोलनमा नेपाली कांग्रेसको सक्रिय राजनिति र गणेशमान सिंहको राजनितिक भुमिकाबाट प्रभावित भई नेपाल विद्यार्थी संघको राजनितिमा होमिनु भएको हो । २०५२ मा नेपाली कांग्रेसको  क्रियाशिल सदस्य लिदै २०५४ सालमा तत्कालिन बज्रबाराहीको ईकाई  सभापति भई राजनितिमा सक्रिय हुनुभई विभिन्न संघ सस्था र सामाजिक अभियानमा पनि लागिरहनु भएका जोशी सँग थाहापाटीले गरेको कुराकानी ।

तपाईको यो कार्यकाल कस्तो बनाउने परिकल्पान गर्नु भएको छ ? 
समृद्ध थाहा संगठित नेपाली कांग्रेसको परिकल्पना नै मेरो मुख्य लक्ष्य हो । चुनावी परिणममा जे होस तर सांगठनिक रुपमा थाहा नगरपालिकामा नेपाली कांग्रेस कमजोर छैन । झण्डै आठ सयको हाराहारीमा हाम्रो सकृय सदस्य छन् ।  साधारण सदस्य पनि उत्तिकै छन् । ब्यबस्थापनमा केहि कमि भएको छ त्यसलाई मिलाएर लाने मेरो लक्ष छ ।

अहिले नेपाली कांग्रेसको एक जना उप मेयर चार जना वडा सदस्य मात्रै निर्वाचित  छौ । बाँकि माओवादीको मेयर सहित छ वडा र एमालेका छ वटा वडा छन । यो चित्र हेर्दा हामी निकै नै पछाडी देखिन्छौं  तर राजनीति सधैं एउटैको पोल्टामा हुदैन । जनताले परिवर्तन चाहने हुनाले हामी तेस्रो भने पनि पहिलो हुने यथेष्ट संभावनाहरु छन् भन्ने मेरो नेत्तृत्वको समितिले संकल्प गरेको छ ।

थाहामा अहिले कांग्रेसको अवस्था के पाउनु हुन्छ ? र यसलाई कस्तो बनाउने योजना छ ? 
थाहामा कांग्रेस कमजोर नभएको कुरा भैले भनि सके । अहिले नेपाली कांग्रेसको एक जना उप मेयर चार जना वडा सदस्य मात्रै निर्वाचित  छौ । बाँकि माओवादीको मेयर सहित छ वडा र एमालेका छ वटा वडा छन । यो चित्र हेर्दा हामी निकै नै पछाडी देखिन्छौं  तर राजनीति सधैं एउटैको पोल्टामा हुदैन । जनताले परिवर्तन चाहने हुनाले हामी तेस्रो भने पनि पहिलो हुने यथेष्ट संभावनाहरु छन् भन्ने मेरो नेत्तृत्वको समितिले संकल्प गरेको छ ।  बिगतमा कतिपय वडा समितिनै अपुर्ण थियो । यो पटकको संगठनको संरचना वडातह देखि नै शक्तिशाली छ । वडामा नेत्तृत्व लिएर आउनु भएका अधिकांश साथीहरु युवा हुनुहुन्छ । उहाँहरुको शक्तिलाई संगठनको बिस्तार गर्नमा लगाउने छु । नगरको संरचना पनि उत्तिकै मजबुत छ । त्यस कारण काँग्रेस थाहामा कमजोर छैन ब्यवस्थित नभएको मात्र हो  र अब व्यवस्थित बनाउँदै जनतामाझ जाने जिम्मा मेरो नेतृत्वको समितिले पाएको छ । हामीले परिकल्पना गरेको समृद्ध थाहा बनाउने अभियानमा सहभागी हुन जनताको साथ माग्नेछौ । मलाई विश्वास छ हामी लक्ष्य चुम्ने छौं । 

युवा सहभागिातको कुरा गर्नु भयो युवालाई राजनितिमा समाहित कसरी गर्ने र ? 
युवा शक्तिलाई परिचालन नगरीकन बिकासको परिकल्पना गर्न सकिदैन । सबै नीतिको मूल नीति राजनीति हो । युवालाई राजनीतिमा समावेस गर्नु पर्छ यो आजको आवश्यक्ता र अपरिहार्यता पनि हो । परिवर्तन चाहनेले नेतृत्व गर्नु पर्छ यो हिम्मत र साहस युवा सँग मात्र हुन्छ त्यसैले हामीले युवालाई समेटेको हौं । । अरुलाई केहि गरेन भन्नु भन्दा आफु समाबेस भएर समाज रुपान्तरणमा युवा लाग्नु पर्दछ भन्ने युवाहरुको समुहले नेपाली कांग्रेस रोजेका छन् । । संगठन बिस्तार गर्ने क्षमता र उत्साह युवा सँग छ । जसको वलमा संगठन बलियो बनाउदै बिकास निर्माणको काममा जनता संग सहकार्य गरी अगाडि बढ्ने अभियानमा युवाको सक्रियता हाम्रो लक्ष हो ।

भर्खरै अधिवेसन सकिएको छ, प्रतिसपर्धाबाट चुनाव त जित्नु भयो अब सबैलाई मिलाउने चुनौती कसरि सामना गर्नु हुन्छ ? 
तपाईको प्रश्नको उदेश्य हामी भित्रको प्रजातान्त्रिक अभ्यास तर्फ लक्षित हो भने बहुदलीय व्यवस्थामा प्रजातान्त्रीक पार्टी भित्र बिचारका कुरा हुन्छन । बिचारलाई गुट भन्न  कत्तिको मिल्छ ? विचारलाई गुट भन्नु हुन्छ भने त्यो पार्टीमा छ र हुनुपर्छ पनि । वडातह देखि शुरू भएर केन्द्रीय महाधिवेशन हुने हो । केन्द्रीय नेतृत्व चयनमा वडा तहदेखि नै लबिङ गरिरहेका छन । यसको असर अधिबेशनसम्म मात्र हो । त्यसपछि त सबै काँग्रेस हौ । 

निर्वाचित त भए नै २० प्रतिशत त मनोनित पनि गर्न सक्नु हुन्छ नि ? 
हो, २० प्रतिशत भनेको सभापतिलाई बलियो बनाउन राखिएको सदस्य हुन् । पार्र्टीकोलागि नभई नहुने साथीहरु र सभापति कमजोर भयो भने निर्णय कार्यान्वयनमा असर पार्ने भएकोलेनै यो बुँदा  बिधानमा राखिएको हुनुपर्छ । त्यही भावना अनुसार बलियो टिम बनाउन मनोनित गर्ने योजान छ । 

अन्त्यमा ?
मैले शुरुमा पनि भनि सकेँ थाहा मा हामी कमजोर हैन ब्यवस्थित नभएका हौ । यो स्थानिय सरकारले थाहामा गरेका राम्रा र नराम्रा कामको बारेमा जनतासँग बहस चलाउनेछौ र एक पटकको लागि नेपाली कांग्रेसको सरकार हेर्न आग्रह गछौ ।