कृषि ,पर्यटन र पूर्वाधार थाहा नगरको सम्वृद्धिको आधार !!

नेपाल कृषि प्रधान देश हो ।अहिले पनि सर्वाधिक रोजगार एबम् जीवन वृत्ति विकासको मूल र भरपर्दो आधार कृषि नै रहेको छ । हामी सबै जानकार नै छौं की नेपाल क्षेत्रफलमा सानो त छदै छ । यो दुई ठूला छिमेकी देशको बीचमा अवस्थित छ । दुई विकसित राष्ट्रको बीचमा रहेको नेपालको विशेषताको बारेमा चर्चा गर्ने हो भने कण्दमुलमा स्वादिष्ट मानिने स्वास्थ्य वर्धक तरुल जस्तै मानिन्छ ।किनकि तरुल चेप्परमा पनि फल्छ ।स्वादिष्ट छ ।स्वस्थ छ ।लाम्चो हुन्छ ।अब नेपाललाई तरुलको संज्ञा दिनुमा सानो भइकन पनि प्राकृतिक रुपमा सुन्दरता , हावापानीमा विविधता , रीतिरिवाज चालचलन , संस्कृति , धर्म ,भाषा, भेषभूषामा आदिमा अनेकता तर भावनामा एकताको विशेषता यसको मूल मर्म हो ।हावापानीको विविधीकरण का तत्वहरू धेरै हुन्छन् ,सो मध्य धरातलीय उचाइ र स्वरुप पनि एक हो ।अत नेपालको भु संरचनालाई हेर्दा समुद्र सतहदेखि ६०-६५ मी को उचाई देखि ८८४८ मि सम्म रहनु एक हो । जसमा विज्ञहरूको अनुसार हरेक १४५ मी को उचाइमा एक डिग्री तापमानमा फरक आउँछ ।यसैले नेपालमा १२ प्रकारका हावापानी पाइने विज्ञहरूको तर्क छ ।जुन स्वाभाविक मान्न सकिन्छ ।
हावापानीको विविधता सँगै प्राकृतिक सुन्दरता , जीवनयापनको लागि गरिने कृषि तथा फलफूल , पशुपालन व्यवसाय आदिमा समेत विविधता आउने स्वयं सिद्ध तथ्य हुने नै भयो। नेपालको आर्थिक एबम् समग्र सम्वृद्धिमा मूलतः कृषि , पर्यटन र हाईड्रो पाउर ( जलविद्युत) लाई मानिन्छ । यदि सन्दर्भमा २०७१ मा गठित थाहा नगरपालिकाले आफ्नो मूल सलोगानमा "कृषि पर्यटन र पूर्वाधार , थाहा नगर सम्वृद्धिको आधार" मान्यो ।
यो वास्तवमा समसामयिक र दूरदर्शी नारा मान्नु पर्छ । कुनै लेखको शीर्षक आकर्षक हुनु भनेको पाठकहरूको पठनीय संस्कृतिको विकास मान्न सकिन्छ ।