मकवानपुर । फेडरलिजम एण्ड लोकलाईजेशन सेन्टरको र बागमती प्रदेश सुशासन केन्द्रको सहकार्यमा ललितपुरमा आयोजना गरेको "संघीयता सवलीकरणमा प्रदेश तथा स्थानीय तहका सवाल" बिषयक छलफल कार्यक्रम सम्पन्न भएको छ ।
बागमती प्रदेशका मुख्यमन्त्री बहादुर सिं लामाको अध्यक्षता र प्रतिनिधि सभाका सभामुख देवराज घिमिरेको प्रमुख आतिथ्यतामा छलफल कार्यक्रम भएको हो ।
कार्यक्रममा सभामुख घिमिरेले संसदमा विचाराधिन रहेका निजामति कर्मचारी, प्रहरी र विद्यालय शिक्षासँग सम्बन्धित विधेयकहरू छिटो टुंगो लगाउने काममा लागिरहेको बताए ।
उनले संविधानले प्रदान गरेका अधिकार पूर्ण रुपमा प्रयोग गर्नसक्ने वातावरण अझै बन्न नसकेको गुनासो आइरहेको बताउदै संघीय निजामति सेवा ऐनको अभावले प्रशासनिक संघीयता कमजोर बनाएको जनगुनासो आएको पनि बताए । सभामुख घिमिरेले संविधानले अधिकार विकेन्द्रिकरण गरे पनि व्यवहारमा केन्द्रीकरण भएको बताए।
शनिबार ललितपुरको स्टाफ कलेजमा आयोजना गरिएको कार्यक्रममा उपसभामुख ईन्दिरा राना, नेकपा एमालेका प्रमुख सचेतक महेशकुमार बर्तौला, नेकपा (माओवादी केन्द्र)का प्रमुख सचेतक हितराज पाण्डे, नेपाली काँग्रेसका प्रमुख सचेतक श्याम घिमिरे, रास्वपाका प्रमुख सचेतक सन्तोष परियार, एकीकृत समाजवादीका नेता तथा शिक्षा समिति सभापति अमरबहादुर थापा, जसपा नेपालका प्रमुख सचेतक रेखा यादव, जनमत पार्टीका प्रमुख सचेतक अनिता देवी, नगरपालिका संघका अध्यक्ष भिम ढुंगाना, गाउँपालिका राष्ट्रिय महासंघका महासचिव खिमबहादुर थापा लगायतले आ-आफ्नो धारणा व्यक्त गरेका थिए।
कार्यक्रममा नगर प्रमुखहरु, गाउँपालिका प्रमुखहरु, प्रदेश सभा सदस्यहरु लगायतले पनि आ-आफ्ना धारणा राखेका थिए । छलफल कार्यक्रममा आयोजक संस्थाका अध्यक्ष तथा पुर्व सांसद डा. खिमलाल देबकोटाले प्रदेश तथा स्थानीय तहका सवाल समेटेर कार्यपत्र प्रस्तुत गरेका थिए भने ललितपुर महानगरपालिकाका प्रमुख चिरिबाबु महर्जन र बागमती प्रदेश सरकार आन्तरिक मामिला तथा कानुन मन्त्री सुरजचन्द्र लामिछानेले उक्त कार्यपत्र माथि टिप्पणी गरेका थिए।
कार्यक्रममा बागमती प्रदेश सुशासन केन्द्रका कार्यकारी निर्देशक गोपालकृष्ण न्यौपानेले स्वागत तथा कार्यक्रमको औचित्य माथि प्रकाश पारेका थिए ।
कार्यक्रमको सहजीकरण आयोजक संस्थाका कार्यक्रम निर्देशक तथा संविधानसभा सदस्य प्रह्लाद लामिछानेले गरेका थिए ।
थाहा नगरपालिका वडा नम्बर ४ मा निर्माणाधिन दामन–नयाँगाउँ खानेपानी परियोजनाको अनुगमन गरिएको छ । मकवानपुरको...
थाहा नगरपालिका वडा नम्बर ४ मा निर्माणाधिन दामन–नयाँगाउँ खानेपानी परियोजनाको अनुगमन गरिएको छ । मकवानपुरको...
थाहा नगर/ १० श्रावण - लायन्स क्लव अफ थाहा पिसकाे अध्यक्षमा निरज रायमाझी चयन भएका छन् । आज भएको १० औ वार्षिक...
थाहा, मकवानपुर। थाहा नगरपालिका–३ स्थित पवित्र शंखमूल त्रिवेणी मोक्षधाममा साउन ११ गते १०८ शंखधारा जलअभिषेक,...
थाहा, मकवानपुर।पालुङ बहुउद्देश्यीय सहकारी संस्था ले नारायणी यातायात व्यावसायिक संघका नवनिर्वाचित अध्यक्ष...
थाहा नगरपालिका–३ स्थित हिमगंगा धार्मिक स्थल संरक्षण समितिले जेष्ठ नागरिक, एकल महिला तथा सहयोगी दातालाई सम्मान...
इजरायलका राजदूत श्मुलिक एरी बासले हेटौंडास्थित जनप्रिय क्याम्पसको भ्रमण गर्दै कृषि शिक्षा, आधुनिक प्रविधि र...
थाहा नगरपालिका–९ स्थित ऐतिहासिक चित्लाङमा रहेको नाट्यश्वरी मन्दिर पुनर्निर्माणका लागि सञ्चालन गरिएको सहयोग...
मकवानपुरको प्रशिद्ध त्रिवेणी शंखमूल क्षेत्रमा साउन महिनाको चारवटै सोमबार आरती हुने भएको छ । मोक्षधाम शंखमूल...
थाहा, मकवानपुर, साउन ४। आरोग्य थाहा नगरपालिका कार्यक्रम अन्तर्गत "आरोग्य थाहा नगरपालिकाका लागि शिक्षक...
