लालीगुँरास ढकमक्क फुल्दा राताम्मे थाहाका पाखा-पखेरा

उत्तरी मकवानपुरको दामन सिमन्ज्याङ्ग तथा टिस्टुङ क्षेत्र यतिबेला हिमाली तथा उच्च पहाडी क्षेत्रमा ढकमक्क गुराँस फुलेको छ । विभिन्न प्रजातिको रङ्गीविरङ्गी गुराँसले वन सुन्दर बनाएको छ भने आगन्तुकलाई लालायित पार्ने गरेको छ । गुराँस फुल्ने मौसम भएकाले फूलसँग रमाउन नेपालका विभिन्न जिल्लामा आन्तरिक पर्यटक पुग्ने गरेका छन् । 
 शिशिर ऋतुको अन्त्य र बसन्त ऋतुको आगमन संगै फुलेका लालीगुँरासले बन राताम्मे भएका छन् ।  । जताततै हरियाली ढकमक्क हुने गरि रंगीचंगी फुलहरु फुलेका छन् अनि माहुरी,पुतली र  भमराहरु ती सुन्दर पुष्पका आकर्षण र सुवासले मन्त्रमुग्ध भएर नाचिरहेका देखिन्छन् । चराचुरुङ्गीहरु गाउन अनि नाचिरहेका देख्दा आहा ! कसको मन रमाउदैन र ? 

बोटभरि ढकमक्क फुलेको गुराँस हेर्दै आकर्षिक हुने भएकाले हरेकको मन तान्ने गरेको छ । अहिले यो क्षेत्रको जङ्गल गुराँसले वन नै राताम्मे छ । विभिन्न प्रजातिका गुराँसमा पर्यटक रमाउने गरेका छन् । 
लाग्छ यो क्षेत्र वास्तवमा नै हिउँ पर्दाको श्वेत स्वर्ग अनि गुराँस फुल्दाको शोर्णित(रातो) स्वर्ग हो । आजभोलि यहाँको तापक्रम दिनमा १९ डिग्री सेल्सिएस सम्म पुगेको छ । एउटा टि–सर्ट मात्र लगाएर बस्न सकिन्छ तर जब सुर्य बादलभित्र लुक्दछ तब ज्याकेट खोज्नुपर्ने यहाँको अनौठो प्राकृतिक विशेषता रहेको छ । अहिले वातावरणमा तुवाले रहेकाले हिमाल त्यति राम्ररी देखिएको छैन,तर जङ्गलनै राताम्मे हुने गरि फुलेका ती गुराँस फुलले पक्कै पनि तपाईंको मनलाई मोहित र आनन्दित पार्नेछ । 

बि.सं.२०२१ सालतिर दामनमा स्थापना भएको पर्वतीय वनस्पति उद्यान जुन एउटा वातावरणमैत्री पार्क र थाहा नगरपालिका कै पर्यटन आकर्षण बनेको छ । अहिले दामन पुग्नेले उक्त उद्यानमा फोन नखिची र टिक–टक नबनाई फर्कदैनन् । 
हाल त्यहाँ अवलोकन गर्न  जाने हो भनी सेता,राता अनि गुलाफी गुराँसको बगानमा बसि टिकटक भिडियो बनाउनको निम्ति उपयुक्त  समय रहेको छ । गुराँस बाहेक पाशणभेद,बरुवा(लोक्ता),विभिन्न जातका अर्किडहरु,लिलि र अन्य धेरै थरिका फुलहरुहरु पनि बगानमा फुलेका छन् ।

नेपालकै एकमात्र पर्वतीय वनस्पति उद्यानलाई उत्कृष्ट बगान बनाउनको निमित्त धेरै कार्यहरु भैरहेको र हाल पर्यटकको रोजाईमा पर्न लागेको भए पछि यसलाई पर्यटकको आकर्षण बमोजिम बनाउन हौसला बढेको दामनको लागि सहायक प्रमुख सागिर हुसेनले बताए ।