राष्ट्रपति रनिङ शिल्ड तथा मेयर कप भलिबल आजबाट सुरु 

थाहा नगरपालिकाको आयोजनामा आजदेखि हुने राष्ट्रपति रनिङ शिल्ड तथा प्रथम मेयरकप भलिबल प्रतियोगिताको सम्पूर्ण तयारी भएको आयोजकले बताएको छ । हिजो थाहा नगरपालिकाको सभाकक्षमा पत्रकार सम्मेलनको आयोजना गरी प्रतियोगिताको सम्पूर्ण तयारी पूरा भएको जानकारी दिइएको हो । आयोजकका अनुसार आज विहान ११ बजे मार्चपाससहित प्रतियोगिताको उद्घाटन गरिने कार्यक्रम छ । इन्द्रायणी चौर र जन कल्याण माविको खेल मैदानमा हुने प्रतियोगितामा भलिवल र एथलेटिक्सतर्फका खेलहरु समावेश गरिएका छन् । थाहा नगरका ४ संस्थागतसहित १५ वटा माविका कक्षा १० सम्मका विद्यार्थीहरुबीच प्रतियोगिता हुनेछ । 
थाहानगरपालिकाको स्विकृत वार्षिक कार्यक्रम अन्र्तगत राष्ट्रपति रनिङ शिल्ड प्रतियोगितामा छात्र छात्रा दौड १०० मिटर, २०० मिटर, ४०० मिटर, ८०० मिटर, १५०० मिटर, छात्र छात्रा रिले दौड १०० मिटर, ४०० मिटर, छात्र छात्रा हाईजम्प, छात्र छात्रा त्रिपल जम्प, छात्र छात्रा सटफुट तथा मार्चपास रहेका छन् । 
राष्ट्रपति रनिङ शिल्ड खेलकुद प्रतियोगितामा प्रथम हुने विद्यालयले नगद रु २० हजार शिल्ड मेडल र प्रमाणपत्र, द्धितिय हुने विद्यालयले नगद रु १५ हजार शिल्ड मेडल र प्रमाणपत्र, तृतिय हुने विद्यालयले नगद रु १० हजार शिल्ड मेडल र प्रमाणपत्र प्राप्त गर्नेछन् ।
त्यसैगरि मेयर कप भलिबल प्रतियोगिता अन्र्तगत प्रथम हुने विद्यालयले नगद रु १५ हजार शिल्ड मेडल र प्रमाणपत्र, द्धितिय हुने विद्यालयले नगद रु १० हजार शिल्ड मेडल र प्रमाणपत्र, तृतिय हुने विद्यालयले नगद रु ५ हजार शिल्ड मेडल र प्रमाणपत्र प्राप्त गर्नेछन् । मेयर कप भलिबल प्रतियोगिता अन्र्तगत मार्चपास तथा भलिबल प्रतियोगिताको अकं राष्ट्रपति रनिङ शिल्ड खेलकुद प्रतियोगितामा जोडि कार्यक्रमको विजेता घोषणा गरिनेछ ।
३ दिनसम्म संचालन हुने प्रतियागिता संचालनको लागि शिक्षा शाखा प्रमुख शोभाकर रेग्मीको संयोजकत्वमा सात सदस्यीय समिति गठन गरिएको छ ।
प्रतियोगितामा करिब ४ लाख रुपैया खर्च हुने अनुमान गरिएको छ ।कार्यक्रम थाहानगरपालिकाको कार्यालयले ११ औ गणतन्त्र दिवसको अवसरमा आयोजना गरिएको बताएको छ । कार्यक्रम थाहानगरपालिका कार्यालयको शभाहलमा सम्पन्न भएको थियो ।